ಬೆಟ್ಟದ ಸುತ್ತಮುತ್ತ ಬಹುತೇಕ ಹುಡುಕಾಟ ನಡೆಸಲಾಗಿದೆ. ಎಲ್ಲಿಯೂ ಸುಳಿವು ಸಿಕ್ಕಿಲ್ಲ. ಅವರ ಬಳಿ ಇದ್ದ ಆ್ಯಪಲ್ ಐಫೋನ್ ನಾಪತ್ತೆಯಾದ ದಿನದಂದು ಸಂಜೆ 5ಕ್ಕೆ ಸ್ವಿಚ್ ಆಫ್ ಆಗಿದೆ. ಫೋನ್ ಲೊಕೇಷನ್ ಆಧರಿಸಿ ಪತ್ತೆ ಹಚ್ಚುವುದಕ್ಕಾಗಿ, ಲೊಕೇಷನ್ ಪತ್ತೆಗೆ ನೆರವಾಗುವಂತೆ ಆ್ಯಪಲ್ ಕಂಪನಿಗೂ ಪತ್ರ ಬರೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಕ್ರಿಸ್ಮಸ್ ಪ್ರಯುಕ್ತ ಸಾಲು ರಜೆ ಇದ್ದಿದ್ದರಿಂದಾಗಿ ಸಿಂಗ್ ಹಾಗೂ ಅವರ ಸ್ನೇಹಿತ 24ರಂದು ಸಾವನದುರ್ಗ ಬೆಟ್ಟಕ್ಕೆ ಚಾರಣ ಬಂದಿದ್ದರು. ಬೆಟ್ಟ ಹತ್ತುವಾಗ ಅವರ ಸ್ನೇಹಿತ ಸುಸ್ತಾಗಿದ್ದರಿಂದ ಅರ್ಧದಲ್ಲೇ ಉಳಿದಿದ್ದರು. ಸ್ನೇಹಿತನನ್ನು ಅಲ್ಲಿಯೇ ಬಿಟ್ಟು ಬೆಟ್ಟ ಹತ್ತಿದ್ದ ಸಿಂಗ್, ಮರಳಿ ವಾಪಸ್ ಬಂದಿರಲಿಲ್ಲ. ಸಂಜೆಯಾದರೂ ಬಾರದಿದ್ದರಿಂದ ಆತಂಕಗೊಂಡ ಅವರ ಸ್ನೇಹಿತ ಮಾಗಡಿ ಠಾಣೆಗೆ ದೂರು ಕೊಟ್ಟಿದ್ದರು.