ಯುವತಿಯರು ಸರಿಯಾದ ದಾರಿ ಹುಡುಕಾಡುವ ಹೊತ್ತಿಗೆ ಕತ್ತಲಾಗಿತ್ತು. ಮೊಬೈಲ್ ಫೋನ್ನಲ್ಲಿ ನೆಟ್ವರ್ಕ್ ಸಮಸ್ಯೆ ಜೊತೆಗೆ, ಕುರುಚಲು ಕಾಡಿನ ಬೆಟ್ಟದಲ್ಲಿ ಕಾಡುಪ್ರಾಣಿಗಳ ಭಯವೂ ಶುರುವಾಗಿದೆ. ಮೊಬೈಲ್ ಟಾರ್ಚ್ ಬೆಳಕಲ್ಲೇ ನೆಟ್ವರ್ಕ್ ಸಿಗುವ ಜಾಗಕ್ಕೆ ಬಂದಿದ್ದ ಯುವತಿಯರು, ಕೂಡಲೇ 112ಗೆ ಕರೆ ಮಾಡಿ ಬೆಟ್ಟದಲ್ಲಿ ಸಿಲುಕಿಕೊಂಡಿರುವ ಕುರಿತು ಮಾಹಿತಿ ನೀಡಿದರು ಎಂದು ಪೊಲೀಸರು ಹೇಳಿದರು.
ಕರ್ತವ್ಯನಿರತ ಪೊಲೀಸರಾದ ರಾಜೇಶ್ ಮತ್ತು ರಮೇಶ್ ಅವರು, ರಕ್ಷಣೆಗಾಗಿ ತಪ್ಪಲಿನವರೆಗೆ ವಾಹನದಲ್ಲಿ ಬಂದರು. ಬೆಟ್ಟಕ್ಕೆ ವಾಹನ ಹೋಗಲು ಸಾಧ್ಯವಾಗದಿದ್ದರಿಂದ ಸ್ಥಳೀಯರ ನೆರವಿನೊಂದಿಗೆ ಕಾಲ್ನಡಿಗೆಯಲ್ಲೇ ರಕ್ಷಣಾ ಕಾರ್ಯಾಚರಣೆ ಕೈಗೊಂಡರು. ಬೆಟ್ಟಕ್ಕೆ ಸುಮಾರು 10 ಕಿಲೋಮೀಟರ್ ಕಾಲ್ನಡಿಗೆಯಲ್ಲೇ ತೆರಳಿದರು ಎಂದು ತಿಳಿಸಿದರು.