<p><strong>ಹಾರೋಹಳ್ಳಿ</strong>: ಬಿರುಕು ಬಿಟ್ಟ ಕಟ್ಟಡ, ಮಳೆಗಾಲದಲ್ಲಿ ಸೋರುವ ಚಾವಣಿ. ಆಗೊಮ್ಮೆ ಈಗೊಮ್ಮೆ ಉದುರಿ ಬೀಳುವ ಚಾವಣಿಯ ಗಾರೆ. ಇದು ಸರ್ಕಾರಿ ಪ್ರೌಢಶಾಲೆಯ ಶೋಚನೀಯ ಸ್ಥಿತಿಯಾಗಿದೆ.</p><p>ಹಾರೋಹಳ್ಳಿ ತಾಲ್ಲೂಕಿನ ದೊಡ್ದ ಮರಳವಾಡಿ ಸರ್ಕಾರಿ ಪ್ರೌಢಶಾಲೆ ಕೊಠಡಿಗಳು ಶಿಥಿಲಗೊಂಡಿದ್ದು, ಅಲ್ಲಲ್ಲಿ ಕಟ್ಟಡ ಬಿರುಕು ಬಿಟ್ಟಿದೆ. ಜತೆಗೆ ಕಟ್ಟಡದ ಚಾವಣಿಯ ಗಾರೆ ಆಗೊಮ್ಮೆ, ಈಗೊಮ್ಮೆ ಕುಸಿದು ಬೀಳುತ್ತಿರುವುದು ಮಾಮೂಲಾಗಿದೆ. ಕೊಠಡಿಗಳು ಅಪಾಯ ಆಹ್ವಾನಿಸುತ್ತಿವೆ. ಸರ್ಕಾರಿ ಶಾಲೆಯನ್ನು ಉಳಿಸಿ ಬೆಳೆಸಬೇಕೆಂದು ಶಾಲೆಗಳಿಗೆ ಹತ್ತು-ಹಲವಾರು ಸೌಲಭ್ಯಗಳನ್ನು ಸರ್ಕಾರ ಒದಗಿಸಿಕೊಡುತ್ತಿದ್ದರೂ ಕೊಠಡಿಗಳ ನಿರ್ಮಾಣಕ್ಕೆ ಗಮನಹರಿಸಿದಂತೆ ಕಾಣುತ್ತಿಲ್ಲ.</p><p>ದುರಸ್ತಿ ಕಾಣದ ಶಾಲಾ ಕೊಠಡಿಗಳು: ಪ್ರತಿ ವರ್ಷದ ಎಸ್ಎಸ್ಎಲ್ಸಿ ಫಲಿತಾಂಶದಲ್ಲಿ ಈ ಶಾಲೆ ಉತ್ತಮ ಫಲಿತಾಂಶ ಪಡೆಯುತ್ತಿದೆ. ಶಾಲೆಯಲ್ಲಿ 135 ಮಕ್ಕಳಿದ್ದು 11 ಕೊಠಡಿಗಳಿವೆ. ಇವುಗಳನ್ನು 1991ರಲ್ಲಿ ನಿರ್ಮಾಣ ಮಾಡಿದ್ದು ಸುಮಾರು 33 ವರ್ಷ ಆಗಿದೆ. ಕಟ್ಟಡಗಳು ಶಿಥಿಲಗೊಂಡಿವೆ.</p><p>ಬಿರುಕು ಬಿಟ್ಟ ಗೋಡೆ ಚಾವಡಿ: ದೊಡ್ದ ಮರಳವಾಡಿ ಸರ್ಕಾರಿ ಪ್ರೌಢಶಾಲೆಯಲ್ಲಿ ಪ್ರತಿ ಕೊಠಡಿಗಳ ಗೋಡೆ ಹಾಗೂ ಚಾವಡಿಗಳು ಬಿರುಕು ಬಿಟ್ಟಿವೆ. ಮಳೆ ಬಂದರೆ ಸಾಕು ಈ ಶಾಲೆಯ ಸ್ಥಿತಿ ಹೇಳತೀರದು.</p><p>ಮಳೆಗಾಲದಲ್ಲಿ ತೊಂದರೆ: ಮಳೆಗಾಲದಲ್ಲಿ ಮೇಲ್ಬಾಗದ ಚಾವಡಿಗಳಿಂದ ಸುರಿಯುವ ಮಳೆಯಿಂದ ಶಾಲೆಯ ಗೋಡೆಗಳು ಬಿರುಕು ಬಿಟ್ಟಿವೆ. ಇದರಿಂದಾಗಿ ಮಕ್ಕಳು ಕುಳಿತುಕೊಳ್ಳಲು ಭಯಪಡುವಂತಾಗಿದೆ.</p><p>ಹೆಚ್ಚುವರಿ ಕೊಠಡಿ ಬೇಕು: ಪಠ್ಯೇತರ ಚಟುವಟಿಕೆಗಳಿಗೆ ಹೆಚ್ಚುವರಿ 4 ಕೊಠಡಿಗಳು ಬೇಕಾಗಿದೆ. ದೈಹಿಕ, ಅಡುಗೆ, ಪುಸ್ತಕ ಇತರೆ ಆಟೋಪಕರಣ ಹಾಗೂ ಪೀಠೋಪಕರಣ ವಸ್ತುಗಳು ಹಾಗೂ ಕಂಪ್ಯೂಟರ್ ತರಗತಿಗೆ, ಸಿಬ್ಬಂದಿಗೆ ಹೆಚ್ಚುವರಿ ಕೊಠಡಿಗಳ ಅವಶ್ಯಕತೆಯಿದ್ದು ಸರ್ಕಾರಿ ಶಾಲೆಗಳ ಕಡೆಗೆ ಹೆಚ್ಚಿನ ಗಮನಹರಿಸಿ ಹೊಸ ಕೊಠಡಿಗಳ ನಿರ್ಮಾಣಕ್ಕೆ ಮುಂದಾಗಬೇಕು.</p><p>ಅರ್ಧಕ್ಕೆ ನಿಂತ ಕಾಮಗಾರಿ: ಸರ್ಕಾರಿ ಪ್ರೌಢಶಾಲೆ ಬಾಲಕ ಹಾಗೂ ಬಾಲಕಿಯ ಶೌಚಾಲಯ ಹಳೆಯದಾಗಿದ್ದು ಈಗ ಹೊಸ ಕಟ್ಟಡ ನಿರ್ಮಾಣ ಮಾಡುತ್ತಿದ್ದು ಶೌಚಾಲಯದ ಕಾಮಗಾರಿ ಅರ್ಧಕ್ಕೆ ನಿಂತಿದ್ದು ಇದರಿಂದ ಮಕ್ಕಳಿಗೆ ತೊಂದರೆಯಾಗುತ್ತಿದೆ.</p>.<p><strong>ಸರ್ಕಾರಿ ಪ್ರೌಢಶಾಲೆಯ ಶಿಥಿಲ ಕೊಠಡಿಗಳ ಬಗ್ಗೆ ಸ್ಥಳೀಯ ಶಾಸಕರ ಗಮನಕ್ಕೆ ತಂದಿದ್ದು ಮುಂದಿನ ದಿನಗಳಲ್ಲಿ ಅನುದಾನ ನೀಡಿ ಪ್ರೌಢಶಾಲೆಯ ಅಭಿವೃದ್ಧಿಪಡಿಸುವ ಭರವಸೆ ನೀಡಿದ್ದಾರೆ</strong></p><p><strong>ರಾಮಕೃಷ್ಣ, ಎಸ್ಡಿಎಂಸಿ ಅಧ್ಯಕ್ಷ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಾರೋಹಳ್ಳಿ</strong>: ಬಿರುಕು ಬಿಟ್ಟ ಕಟ್ಟಡ, ಮಳೆಗಾಲದಲ್ಲಿ ಸೋರುವ ಚಾವಣಿ. ಆಗೊಮ್ಮೆ ಈಗೊಮ್ಮೆ ಉದುರಿ ಬೀಳುವ ಚಾವಣಿಯ ಗಾರೆ. ಇದು ಸರ್ಕಾರಿ ಪ್ರೌಢಶಾಲೆಯ ಶೋಚನೀಯ ಸ್ಥಿತಿಯಾಗಿದೆ.</p><p>ಹಾರೋಹಳ್ಳಿ ತಾಲ್ಲೂಕಿನ ದೊಡ್ದ ಮರಳವಾಡಿ ಸರ್ಕಾರಿ ಪ್ರೌಢಶಾಲೆ ಕೊಠಡಿಗಳು ಶಿಥಿಲಗೊಂಡಿದ್ದು, ಅಲ್ಲಲ್ಲಿ ಕಟ್ಟಡ ಬಿರುಕು ಬಿಟ್ಟಿದೆ. ಜತೆಗೆ ಕಟ್ಟಡದ ಚಾವಣಿಯ ಗಾರೆ ಆಗೊಮ್ಮೆ, ಈಗೊಮ್ಮೆ ಕುಸಿದು ಬೀಳುತ್ತಿರುವುದು ಮಾಮೂಲಾಗಿದೆ. ಕೊಠಡಿಗಳು ಅಪಾಯ ಆಹ್ವಾನಿಸುತ್ತಿವೆ. ಸರ್ಕಾರಿ ಶಾಲೆಯನ್ನು ಉಳಿಸಿ ಬೆಳೆಸಬೇಕೆಂದು ಶಾಲೆಗಳಿಗೆ ಹತ್ತು-ಹಲವಾರು ಸೌಲಭ್ಯಗಳನ್ನು ಸರ್ಕಾರ ಒದಗಿಸಿಕೊಡುತ್ತಿದ್ದರೂ ಕೊಠಡಿಗಳ ನಿರ್ಮಾಣಕ್ಕೆ ಗಮನಹರಿಸಿದಂತೆ ಕಾಣುತ್ತಿಲ್ಲ.</p><p>ದುರಸ್ತಿ ಕಾಣದ ಶಾಲಾ ಕೊಠಡಿಗಳು: ಪ್ರತಿ ವರ್ಷದ ಎಸ್ಎಸ್ಎಲ್ಸಿ ಫಲಿತಾಂಶದಲ್ಲಿ ಈ ಶಾಲೆ ಉತ್ತಮ ಫಲಿತಾಂಶ ಪಡೆಯುತ್ತಿದೆ. ಶಾಲೆಯಲ್ಲಿ 135 ಮಕ್ಕಳಿದ್ದು 11 ಕೊಠಡಿಗಳಿವೆ. ಇವುಗಳನ್ನು 1991ರಲ್ಲಿ ನಿರ್ಮಾಣ ಮಾಡಿದ್ದು ಸುಮಾರು 33 ವರ್ಷ ಆಗಿದೆ. ಕಟ್ಟಡಗಳು ಶಿಥಿಲಗೊಂಡಿವೆ.</p><p>ಬಿರುಕು ಬಿಟ್ಟ ಗೋಡೆ ಚಾವಡಿ: ದೊಡ್ದ ಮರಳವಾಡಿ ಸರ್ಕಾರಿ ಪ್ರೌಢಶಾಲೆಯಲ್ಲಿ ಪ್ರತಿ ಕೊಠಡಿಗಳ ಗೋಡೆ ಹಾಗೂ ಚಾವಡಿಗಳು ಬಿರುಕು ಬಿಟ್ಟಿವೆ. ಮಳೆ ಬಂದರೆ ಸಾಕು ಈ ಶಾಲೆಯ ಸ್ಥಿತಿ ಹೇಳತೀರದು.</p><p>ಮಳೆಗಾಲದಲ್ಲಿ ತೊಂದರೆ: ಮಳೆಗಾಲದಲ್ಲಿ ಮೇಲ್ಬಾಗದ ಚಾವಡಿಗಳಿಂದ ಸುರಿಯುವ ಮಳೆಯಿಂದ ಶಾಲೆಯ ಗೋಡೆಗಳು ಬಿರುಕು ಬಿಟ್ಟಿವೆ. ಇದರಿಂದಾಗಿ ಮಕ್ಕಳು ಕುಳಿತುಕೊಳ್ಳಲು ಭಯಪಡುವಂತಾಗಿದೆ.</p><p>ಹೆಚ್ಚುವರಿ ಕೊಠಡಿ ಬೇಕು: ಪಠ್ಯೇತರ ಚಟುವಟಿಕೆಗಳಿಗೆ ಹೆಚ್ಚುವರಿ 4 ಕೊಠಡಿಗಳು ಬೇಕಾಗಿದೆ. ದೈಹಿಕ, ಅಡುಗೆ, ಪುಸ್ತಕ ಇತರೆ ಆಟೋಪಕರಣ ಹಾಗೂ ಪೀಠೋಪಕರಣ ವಸ್ತುಗಳು ಹಾಗೂ ಕಂಪ್ಯೂಟರ್ ತರಗತಿಗೆ, ಸಿಬ್ಬಂದಿಗೆ ಹೆಚ್ಚುವರಿ ಕೊಠಡಿಗಳ ಅವಶ್ಯಕತೆಯಿದ್ದು ಸರ್ಕಾರಿ ಶಾಲೆಗಳ ಕಡೆಗೆ ಹೆಚ್ಚಿನ ಗಮನಹರಿಸಿ ಹೊಸ ಕೊಠಡಿಗಳ ನಿರ್ಮಾಣಕ್ಕೆ ಮುಂದಾಗಬೇಕು.</p><p>ಅರ್ಧಕ್ಕೆ ನಿಂತ ಕಾಮಗಾರಿ: ಸರ್ಕಾರಿ ಪ್ರೌಢಶಾಲೆ ಬಾಲಕ ಹಾಗೂ ಬಾಲಕಿಯ ಶೌಚಾಲಯ ಹಳೆಯದಾಗಿದ್ದು ಈಗ ಹೊಸ ಕಟ್ಟಡ ನಿರ್ಮಾಣ ಮಾಡುತ್ತಿದ್ದು ಶೌಚಾಲಯದ ಕಾಮಗಾರಿ ಅರ್ಧಕ್ಕೆ ನಿಂತಿದ್ದು ಇದರಿಂದ ಮಕ್ಕಳಿಗೆ ತೊಂದರೆಯಾಗುತ್ತಿದೆ.</p>.<p><strong>ಸರ್ಕಾರಿ ಪ್ರೌಢಶಾಲೆಯ ಶಿಥಿಲ ಕೊಠಡಿಗಳ ಬಗ್ಗೆ ಸ್ಥಳೀಯ ಶಾಸಕರ ಗಮನಕ್ಕೆ ತಂದಿದ್ದು ಮುಂದಿನ ದಿನಗಳಲ್ಲಿ ಅನುದಾನ ನೀಡಿ ಪ್ರೌಢಶಾಲೆಯ ಅಭಿವೃದ್ಧಿಪಡಿಸುವ ಭರವಸೆ ನೀಡಿದ್ದಾರೆ</strong></p><p><strong>ರಾಮಕೃಷ್ಣ, ಎಸ್ಡಿಎಂಸಿ ಅಧ್ಯಕ್ಷ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>