ರಾಮನಗರ: ಬಿಡದಿಯ ವಂಡರ್ಲಾ ಅಮ್ಯೂಸ್ಮೆಂಟ್ ಪಾರ್ಕ್ನಲ್ಲಿ ಇದೇ 20ರಿಂದ ವಾಟರ್ ರೈಡ್ ಕ್ರೀಡೆಗಳು ಸಹ ಆರಂಭ ಆಗಲಿವೆ.
ಕೋವಿಡ್ ಹಿನ್ನೆಲೆಯಲ್ಲಿ ಸುಮಾರು ಎಂಟು ತಿಂಗಳ ಕಾಲ ಬಂದ್ ಆಗಿದ್ದ ಈ ಪಾರ್ಕ್ ಇದೇ 13ರಿಂದ ಮತ್ತೆ ಮನೋರಂಜನಾ ಸೇವೆ ಆರಂಭಿಸಿತ್ತು.
ಇದೀಗ ನೀರಿನಲ್ಲಿ ಆಡುವ ಕ್ರೀಡೆಗಳಿಗೂ ಅನುಮತಿ ದೊರೆತಿದೆ. ಕೋವಿಡ್ ಸುರಕ್ಷತಾ ಕ್ರಮಗಳೊಂದಿಗೆ ದಿನಕ್ಕೆ ಗರಿಷ್ಠ4 ಸಾವಿರ ಮಂದಿಗೆ ಪ್ರವೇಶ ಸೀಮಿತಗೊಳಿಸಲಾಗಿದೆ.
ಅಂತೆಯೇ ಪುನರಾರಂಭದ ರಿಯಾಯಿತಿಯಾಗಿ ಪ್ರವೇಶ ಶುಲ್ಕವನ್ನು ₹699ಕ್ಕೆ ಇಳಿಸಲಾಗಿದೆ. ಶುಕ್ರವಾರ, ಶನಿವಾರ ಹಾಗೂ ಭಾನುವಾರದಂದು ಮಾತ್ರ ಪಾರ್ಕ್ ತೆರೆದಿರುತ್ತದೆ ಎಂದು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಅರುಣ್ ಚಿಟ್ಟಲಪಿಳ್ಳೆ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.