ಶಿವಮೊಗ್ಗ: ತ್ಯಾವರೆಕೊಪ್ಪ ಹುಲಿ ಮತ್ತು ಸಿಂಹಧಾಮಕ್ಕೆ ಹೆಣ್ಣು ಹುಲಿ (ಪೂರ್ಣಿಮಾ) ಆಗಮಿಸಿದೆ.
ಪೂರ್ಣಿಮಾ(ಹೆಣ್ಣು ಹುಲಿ)ಳನ್ನು ಮೈಸೂರು ಸಂರಕ್ಷಣಾ ಕೇಂದ್ರದಿಂದ ಕೋರಿಕೆಯ ಮೇರೆಗೆ ತರಲಾಗಿದೆ. ಇದಕ್ಕೆ 11 ವರ್ಷ ವಯಸ್ಸಾಗಿದೆ. ಪೂರ್ಣಿಮಾ ಆಗಮನದಿಂದ ಸಿಂಹಧಾಮದಲ್ಲಿ ಹುಲಿಗಳ ಸಂಖ್ಯೆ 5ರಿಂದ 6ಕ್ಕೆ ಏರಿಕೆಯಾಗಿದೆ. ಸದ್ಯ ಮೂರು ಹೆಣ್ಣು, ಮೂರು ಗಂಡು ಹುಲಿಗಳಿವೆ.
ಸಿಂಹಧಾಮದಲ್ಲಿ ರಾಮ, ಸೀತಾ, ವಿಜಯ, ದಶಮಿ, ಹನುಮ ಎಂಬ ಹುಲಿಗಳಿವೆ. ಇದರ ಜತೆಗೆ ಪೂರ್ಣಿಮಾ ಈಗ ಸೇರ್ಪಡೆಯಾಗಿದೆ.