ಶನಿವಾರ, ಆಗಸ್ಟ್ 8, 2020
24 °C
ಒಂದೇ ದಿನ 33 ಜನರಿಗೆ ಕೊರೊನಾ ಸೋಂಕು, 8 ಬಾಲಕಿಯರಲ್ಲಿ ವೈರಸ್‌ ಪತ್ತೆ

ತ್ರಿಶತಕ ದಾಟಿದ ಜಿಲ್ಲೆಯ ಸೋಂಕಿತರ ಸಂಖ್ಯೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶಿವಮೊಗ್ಗ: ಜಿಲ್ಲೆಯಲ್ಲಿ ಮಂಗಳವಾರ ಒಂದೇ ದಿನ 33 ಜನರಿಗೆ ಸೋಂಕು ಇರುವುದು ದೃಢಪಟ್ಟಿದೆ. ಸೋಂಕಿತರ ಸಂಖ್ಯೆ 318ಕ್ಕೇರಿದೆ. ಒಂದೇ ದಿನ 8 ಬಾಲಕಿಯರಲ್ಲಿ ಸೋಂಕು ಕಂಡುಬಂದಿರುವುದು ಕಳವಳ ಮೂಡಿಸಿದೆ.

ಮೆಗ್ಗಾನ್‌ ಆಸ್ಪತ್ರೆಯ ಕೋವಿಡ್‌ ಆರೈಕೆ ಕೇಂದ್ರದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ 12 ಜನರು ಮಂಗಳವಾರ ಗುಣಮುಖರಾಗಿದ್ದು ಇದುವರೆಗೂ ಒಟ್ಟು 137 ಮಂದಿ  ಗುಣಮುಖರಾಗಿದ್ದಾರೆ. 177 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಶಿವಮೊಗ್ಗ ನಗರ 18, ಹೊಸನಗರ ತಾಲ್ಲೂಕಿನ ರಿಪ್ಪನ್‌ಪೇಟೆ 4 ಶಿಕಾರಿಪುರ 8, ಶಿವಮೊಗ್ಗ ಗ್ರಾಮಾಂತರ, ಭದ್ರಾವತಿ, ಸಾಗರ ತಲಾ 1 ಪ್ರಕರಣಗಳು ಪತ್ತೆಯಾಗಿವೆ. 

ಒಬ್ಬರಿಂದ ನಾಲ್ವರಿಗೆ ಸೋಂಕು:

ಪಿ–9546 ರೋಗಿಯ ಪ್ರಥಮ ಸಂಪರ್ಕದಿಂದ 26 ವರ್ಷದ (ಪಿ–25766), 30 ವರ್ಷದ ಮಹಿಳೆಯರಿಗೆ (ಪಿ–25768),  ಪಿ–16647 ರೋಗಿಯ ಸಂಪರ್ಕದಿಂದ 23 ವರ್ಷದ ಮಹಿಳೆ (ಪಿ–25773), 18 ವರ್ಷದ ಯುವತಿ (ಪಿ–25774), 38 ವರ್ಷದ ಮಹಿಳೆ (ಪಿ–25775), 44 ವರ್ಷದ ಮಹಿಳೆ (ಪಿ–25776) ಸೇರಿ ನಾಲ್ವರಿಗೆ ಸೋಂಕು ತಗುಲಿದೆ.

ಬೆಂಗಳೂರಿನಿಂದ ಬಂದ ಮೂವರಿಗೂ ವೈರಸ್‌:

ಬೆಂಗಳೂರಿನಿಂದ ಜಿಲ್ಲೆಗೆ ಬಂದಿದ್ದ 30 ವರ್ಷ (ಪಿ–25767), 31 ವರ್ಷ (ಪಿ–25769) ಹಾಗೂ  49 ವರ್ಷದ ಪುರುಷರಿಗೆ (ಪಿ–25788) ಸೋಂಕು ಇರುವುದು ಖಚಿತವಾಗಿದೆ. ಮತ್ತೊಬ್ಬರು ಮಂಗಳೂರಿನಿಂದ ಶಿವಮೊಗ್ಗಕ್ಕೆ ಹಿಂದಿರುಗಿದ್ದ 19 ವರ್ಷದ ಯುವಕನಿಗೆ (ಪಿ–25782) ಗಂಟಲು ದ್ರವ ಪರೀಕ್ಷೆಗೆ ಒಳಪಡಿಸಿದಾಗ ಸೋಂಕು ಇರುವುದು ಖಚಿತವಾಗಿದೆ. 

21633 ರೋಗಿಯ ಸಂಪರ್ಕದಿಂದ 11 ತಿಂಗಳ ಬಾಲಕಿ (ಪಿ–25784), 48 ವರ್ಷದ ಪುರುಷ (ಪಿ–25785), 60 ವರ್ಷದ ಪುರುಷ (ಪಿ–25786), 33 ವರ್ಷದ ಮಹಿಳೆಗೆ (ಪಿ–25787),  ಪಿ–13225 ರೋಗಿಯ ಸಂಪರ್ಕದಿಂದ 46 ವರ್ಷದ ಮಹಿಳೆಗೆ (ಪಿ–25779), 15 ವರ್ಷದ ಬಾಲಕಿಗೆ (ಪಿ–25780),  ಪಿ–25770 ರೋಗಿಯ ಸಂಪರ್ಕದಿಂದ 26 ವರ್ಷದ ಮಹಿಳೆ (ಪಿ–25771)ಸೋಂಕು ತಗುಲಿದೆ.

ಪಿ–14383 ರೋಗಿಯ ಪ್ರಥಮ ಸಂಪರ್ಕದಿಂದ 48 ವರ್ಷದ ಪುರುಷ (ಪಿ–25772), ಪಿ–16647 ರೋಗಿಯ ಸಂಪರ್ಕದಿಂದ 25 ವರ್ಷದ ಯುವತಿಗೆ (ಪಿ–25781), ಪಿ–21628 ರೋಗಿಯ ಸಂಪರ್ಕದಿಂದ 36 ವರ್ಷದ ಮಹಿಳೆ ಗೆ (ಪಿ–25798) ಸೋಂಕು ಹರಡಿದೆ.

ಒಬ್ಬರಿಂದ ಮೂವರು ಬಾಲಕಿಯರಿಗೆ ಸೋಂಕು:

ಪಿ–14389 ರೋಗಿಯ ಸಂಪರ್ಕದಿಂದ 73 ವರ್ಷದ ಪುರುಷ (ಪಿ–25789), 8 ವರ್ಷದ ಬಾಲಕಿ (ಪಿ–25790), 6 ವರ್ಷದ ಬಾಲಕಿ (ಪಿ–25791), 4 ವರ್ಷದ ಬಾಲಕಿಗೆ (ಪಿ–25792),

ತೀವ್ರತರ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ 66 ವರ್ಷದ ಪುರುಷ (ಪಿ–25770), 27 ವರ್ಷದ ಯುವಕ, (ಪಿ–25778), 20 ವರ್ಷದ ಯುವಕ (ಪಿ–25797), 43 ವರ್ಷದ ಪುರುಷರಲ್ಲೂ (ಪಿ–25783) ಸೋಂಕು ದೃಢಪಟ್ಟಿದೆ. 

ಜಿಲ್ಲೆಯ ಐವರಿಗೆ ಸೋಂಕಿನ ಮೂಲವೇ ಪತ್ತೆಯಾಗಿಲ್ಲ. 8 ವರ್ಷದ ಬಾಲಕಿ (ಪಿ–25793), 40 ವರ್ಷದ ಮಹಿಳೆ (ಪಿ–25794), 6 ವರ್ಷದ ಬಾಲಕಿ (ಪಿ–25795). 11 ವರ್ಷದ ಬಾಲಕಿ (ಪಿ–25796)ಯರಿಗೆ ಸೋಂಕು ಹೇಗೆ ತಗುಲಿದೆ ಎಂಬ ಮೂಲ ಪತ್ತೆ ಹಚ್ಚಲಾಗುತ್ತಿದೆ.

ವಿನೋಬನಗರದ ಹುಡ್ಕೊ ಕಾಲೊನಿ ನಿವಾಸಿಗೆ ಕೊರೊನಾ ಪಾಸಿಟಿವ್ ಬಂದಿದೆ. ಬಸ್ ನಿಲ್ದಾಣದ ಬಳಿ ಇರುವ ಲೋಕೋಪಯೋಗಿ ಇಲಾಖೆ ವಸತಿಗೃಹದ ವ್ಯಕ್ತಿಯ ಸಂಪರ್ಕದಿಂದ ಅವರ ಕುಟುಂಬದವರಿಗೆ ಸೋಂಕು ತಗುಲಿದೆ. ರವಿವರ್ಮ ಬೀದಿಯ ಒಂದೇ ಕುಟುಂಬದ ನಾಲ್ವರಿಗೆ ಪಾಸಿಟಿವ್ ಕಾಣಿಸಿಕೊಂಡಿದೆ. ಅದೆ ಬಡಾವಣೆಯ ಮತ್ತೋಬ್ಬರಿಗೂ ಸೋಂಕು ಇರುವುದು ದೃಢಪಟ್ಟಿದೆ.

ದಕ್ಷಿಣಾ ಆಫ್ರಿಕಾದಿಂದ ಬಂದವರಿಗೆ ಪಾಸಿಟಿವ್‌:

ದಕ್ಷಿಣ ಆಫ್ರಿಕಾದಿಂದ ಬಂದಿದ್ದ ಸದಾಶಿವಪುರದ ಹಕ್ಕಿಪಿಕ್ಕಿ ಕ್ಯಾಂಪ್‌ನ 27 ವರ್ಷದ ಪುರುಷ (ಪಿ–25777)  ಸೋಂಕು ತಗುಲಿದೆ. ಜೂನ್ 20 ರಂದು ದಕ್ಷಿಣ ಆಫ್ರಿಕಾದ ಕೇಪ್‌ಟೌನ್‌ನಿಂದ ಬಂದಿದ್ದ ಈ ವ್ಯಕ್ತಿ ಹೈದರಾಬಾದ್‌ನಲ್ಲಿ ಕ್ವಾರಂಟೈನ್ ಮುಗಿಸಿಕೊಂಡು ಶಿವಮೊಗ್ಗಕ್ಕೆ ಜೂನ್ 29 ರಂದು ಬಂದಿದ್ದರು. ಅಶೋಕ ರಸ್ತೆಯ ಆಟೊರಿಕ್ಷಾ ವಾಲಕರೊಬ್ಬರಿಗೆ, ಜ್ವರದಿಂದ ಬಳಲುತ್ತಿದ್ದ ಓಲ್ಡ್ ಬಾರ್ ಲೈನ್ ನಿವಾಸಿಯೊಬ್ಬರಲ್ಲೂ ವೈರಸ್‌ ಪತ್ತೆಯಾಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.