ತುಮಕೂರು: ಜಿಲ್ಲೆಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಒಂದೇ ದಿನದಲ್ಲಿ ದಾಖಲೆ ಪ್ರಮಾಣದಲ್ಲಿ ಏರಿಕೆಯಾಗಿದ್ದು, 443 ಮಂದಿಗೆ ಸೋಂಕು ದೃಢಪಟ್ಟಿದೆ. ಮಂಗಳವಾರ ನಾಲ್ವರು ಮೃತಪಟ್ಟಿದ್ದಾರೆ.
ಕೊರೊನಾ ಸೋಂಕಿನಿಂದ ಒಬ್ಬರು ಹಾಗೂ ಕೊರೊನಾ ಸೋಂಕಿನ ಜತೆಗೆ ಅನ್ಯಕಾರಣದಿಂದ ಮೂವರು ಸಾವನ್ನಪ್ಪಿದ್ದು, ಈವರೆಗೆ ಒಟ್ಟು 295 ಮಂದಿ ಮೃತಪಟ್ಟಿದ್ದಾರೆ. ಈವರೆಗೆ ಒಟ್ಟು 13,013 ಮಂದಿಗೆ ಸೋಂಕು ತಗುಲಿದ್ದು, ಇನ್ನೂ 2,248 ಸಕ್ರಿಯ ಪ್ರಕರಣಗಳು ಇವೆ.
ತುಮಕೂರು ತಾಲ್ಲೂಕಿನ 170, ಚಿಕ್ಕನಾಯಕನಹಳ್ಳಿ 28, ಗುಬ್ಬಿ 39, ಕೊರಟಗೆರೆ 22, ಕುಣಿಗಲ್ 34, ಮಧುಗಿರಿ 41, ಪಾವಗಡ 29, ಶಿರಾ 28, ತಿಪಟೂರು 28, ತುರುವೇಕೆರೆ ತಾಲ್ಲೂಕಿನ 24 ಮಂದಿಗೆ ಸೋಂಕು ದೃಢವಾಗಿದೆ.