ತೋವಿನಕೆರೆ: ಶೇ 92ರಷ್ಟು ಬಿತ್ತನೆ ಪೂರ್ಣ

ರಾಗಿ, ಮುಸುಕಿನ ಜೋಳ, ಭತ್ತ, ಸಿರಿ ಧಾನ್ಯಗಳು ಸೇರಿ 2,755 ಹೆಕ್ಟೇರ್ ಪ್ರದೇಶ ನಿಗದಿ ಪಡಿಸಲಾಗಿತ್ತು. ಈಗಾಗಲೇ 2,625 ಹೆಕ್ಟರ್ ಪ್ರದೇಶದಲ್ಲಿ ಬಿತ್ತನೆಯಾಗಿದೆ. ಮುಸುಕಿನ ಜೋಳ ನಿಗದಿಪಡಿಸಿದ್ದಕ್ಕಿಂತ ಹೆಚ್ಚಾಗಿ ಬಿತ್ತನೆಯಾಗಿದೆ.

ದ್ವಿದಳ ಧಾನ್ಯಗಳಾದ ತೊಗರಿ, ಹುರುಳಿ, ಅವರೆ, ಅಲಸಂದೆ 3,255 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆಗೆ ನಿಗದಿ ಪಡಿಸಲಾಗಿತ್ತು. ಈವರೆಗೆ 2,870 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆ ಯಾಗಿದೆ. ಪ್ರತಿ ವರ್ಷ ಹೆಚ್ಚು ಬಿತ್ತನೆಯಾಗುತ್ತಿದ್ದ ಹುರುಳಿ ಈ ಮುಂಗಾರಿನಲ್ಲಿ ತೀರ ಕಡಿಮೆ ವಿಸ್ತೀರ್ಣದಲ್ಲಿ ಬಿತ್ತನೆಯಾಗಿದೆ.

ಎಣ್ಣೆ ಕಾಳುಗಳಾದ ಶೇಂಗಾ ಮತ್ತು ಹರಳು 1,932 ಹೆಕ್ಟೇರ್ ಪ್ರದೇಶದಲ್ಲಿ ಬಿತ್ತನೆಯಾಗಿದ್ದು ಹಲವು ವರ್ಷಗಳ ನಂತರ ಗುರಿ ಮೀರಿ ಬಿತ್ತನೆಯಾಗಿದೆ ಎಂದು ಮಾಹಿತಿ ನೀಡಿದರು.

ಜುಲೈ ತಿಂಗಳ ವಾಡಿಕೆ ಮಳೆ 66.8 ಮಿ.ಮೀ. ಆಗಿದ್ದು, 15 ವರ್ಷಗಳಲ್ಲಿ ಅತಿ ಹೆಚ್ಚು ಅಂದರೆ 280 ಮಿ.ಮೀ. ಮಳೆಯಾಗಿದೆ. 2016ರಲ್ಲಿ 217 ಮಿ.ಮೀ ಮಳೆಯಾಗಿತ್ತು.