ಗಾರೆ ನರಸಯ್ಯನ ಕಟ್ಟೆಯಲ್ಲಿ ಬಡಾವಣೆ ನಿರ್ಮಾಣ

ಗುರುವಾರ , ಜೂನ್ 20, 2019
26 °C
ವನ್ಯಜೀವಿ ಜಾಗೃತಿ ನಿಸರ್ಗ ಸಂಸ್ಥೆ ಖಂಡನೆ , ಸಾರ್ವಜನಿಕ ಆಸ್ತಿ ರಕ್ಷಣೆಗೆ ಒತ್ತಾಯ

ಗಾರೆ ನರಸಯ್ಯನ ಕಟ್ಟೆಯಲ್ಲಿ ಬಡಾವಣೆ ನಿರ್ಮಾಣ

Published:
Updated:
Prajavani

ತುಮಕೂರು: ಒಂದೆಡೆ ಪರಿಸರ ಸಂರಕ್ಷಣೆ, ಜಾಗೃತಿ ಅಭಿಯಾನಗಳು. ಮತ್ತೊಂದೆಡೆ ಸದ್ದುಗದ್ದಲವಿಲ್ಲದೇ ಕೆರೆ ಕಟ್ಟೆಗಳನ್ನು ನುಂಗು ಹಾಕುತ್ತಿರುವ ಭೂಪರು.

‘ಪರಿಸರ ದಿನಾಚರಣೆ ಸಂದರ್ಭದಲ್ಲಿಯೇ ನಗರದ ಜಯನಗರ ಪಶ್ಚಿಮ ಭಾಗದಲ್ಲಿರುವ 19.1 ಎಕರೆ ವಿಸ್ತೀರ್ಣದ ಗಾರೆನರಸಯ್ಯನಕಟ್ಟೆಯಲ್ಲಿ ಮೂರುವರೆ ಎಕರೆಯಷ್ಟು ಒತ್ತುವರಿ ಮಾಡಿಕೊಂಡು ಬಡಾವಣೆ ನಿರ್ಮಾಣ ಮಾಡಿ ಸರ್ಕಾರಿ ಆಸ್ತಿ ಕಬಳಿಸಲಾಗಿದೆ’ ಎಂದು ನಗರದ ವನ್ಯಜೀವಿ ಜಾಗೃತಿ ನಿಸರ್ಗ ಸಂಸ್ಥೆ ಅಧ್ಯಕ್ಷ ಬಿ.ವಿ.ಗುಂಡಪ್ಪ ಆರೋಪಿಸಿದ್ದಾರೆ.

‘ಈ ಕಟ್ಟೆಯಲ್ಲಿ 2010ಕ್ಕಿಂತ ಮುಂಚೆ ಕಟ್ಟೆಯ ಅಂಗಳದ ತುಂಬಾ ಮಳೆ ನೀರು ಸಂಗ್ರಹವಾಗುತ್ತಿತ್ತು. ಗೆದ್ದಲಹಳ್ಳಿ, ಜಯನಗರ, ಸಪ್ತಗಿರಿ ಬಡಾವಣೆ ಪ್ರದೇಶಕ್ಕೆ ಹವಾನಿಯಂತ್ರಿಕದಂತೆ ಇತ್ತು. ಹಲವಾರು ಜೀವಿಗಳಿಗೂ ಈ ಕಟ್ಟೆ ನೆಚ್ಚಿನ ತಾಣವಾಗಿತ್ತು. ಭೂಗಳ್ಳರ ಕೆಂಗಣ್ಣಿಗೆ ಬಿದ್ದು ಕೆರೆ ನುಂಗುವ ಪ್ರಯತ್ನ ನಡೆಯಿತು. ನಗರದಲ್ಲಿನ ಘನತ್ಯಾಜ್ಯ ಸುರಿದು ಹಂತ ಹಂತವಾಗಿ ಪೂರ್ವ ಭಾಗವನ್ನು ಒತ್ತುವರಿ ಮಾಡಿ ಬಡಾವಣೆ ಮಾಡಿದ್ದಾರೆ’ ಎಂದು ಆಪಾದಿಸಿದ್ದಾರೆ.

‘ಈ ಕಟ್ಟೆಯ ಪೂರ್ವ ಮತ್ತು ಉತ್ತರ ಭಾಗದ ಮೂರುವರೆ ಎಕರೆ ಒತ್ತುವರಿಯಾಗಿದೆ. ಕಟ್ಟೆಯ ವಿಶಾಲವಾದ ರಾಜ ಕಾಲುವೆಯೂ ಸಹ ಒತ್ತುವರಿಯಾಗಿದೆ. ಆದ್ದರಿಂದ ತುಮಕೂರು ಮಹಾನಗರ ಪಾಲಿಕೆಯ ಆಯುಕ್ತರು ಒತ್ತುವರಿ ತೆರವು ಗೊಳಿಸಬೇಕು. ಕೆರೆ ಅಂಗಳದಲ್ಲಿ ಬಡಾವಣೆ ಮಾಡಲು ಬಳಸಿರುವ ಮಣ್ಣನ್ನು ತೆಗೆಸಿ ಕಟ್ಟೆಯ ನೈಜ ಸ್ಥಿತಿ ಕಾಪಾಡಲು ಕ್ರಮಕೈಗೊಳ್ಳಬೇಕು’ ಎಂದು ಮನವಿ ಮಾಡಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !