ಲೋಕಾಯುಕ್ತ ಬಲೆಗೆ ಬಿಸಿಎಂ ಇಲಾಖೆ ಅಧಿಕಾರಿ

ಪಟ್ಟಣದ ನಿವಾಸಿ ರಾಜು ಎಂಬುವರ ದೂರಿನ ಮೇರೆಗೆ ಲೋಕಾಯುಕ್ತ ಅಧಿಕಾರಿಗಳು ದಾಳಿ ನಡೆಸಿ ₹34 ಸಾವಿರ ಲಂಚ ಪಡೆಯುವಾಗ ಶಿವರಾಜ್ ಎನ್. ಎಲಿಗಾರ್ ಅವರನ್ನು ವಶಕ್ಕೆ ಪಡೆದಿದ್ದಾರೆ. ರಾಜು ಇಲಾಖೆಗೆ ಬಿಟ್ಟಿದ್ದ ಕಾರಿನ ತಿಂಗಳ ಬಾಡಿಗೆ ಬಿಲ್ ಪಾವತಿಸಬೇಕಿತ್ತು. ಬಿಲ್ ಮಾಡಿಕೊಡಲು ₹34 ಸಾವಿರ ಲಂಚಕ್ಕೆ ಒತ್ತಾಯಿಸಿದ್ದರು.

ಲೋಕಾಯುಕ್ತ ಡಿವೈಎಸ್‌ಪಿಗಳಾದ ಮಂಜುನಾಥ್, ಹರೀಶ್, ಇನ್ಸ್‌ಪೆಕ್ಟರ್ ರಾಮರೆಡ್ಡಿ, ಸಲೀಮ್ ನೇತೃತ್ವದ ತಂಡ ದಾಳಿ ನಡೆಸಿತ್ತು.