11 ಗುತ್ತಿಗೆದಾರರಿಗೆ ₹1.53 ಕೋಟಿ ದಂಡ

‘ಸ್ಮಾರ್ಟ್‍ಸಿಟಿ ಯೋಜನೆಯಡಿ ಕೈಗೊಂಡಿರುವ ವಿವಿಧ ಕಾಮಗಾರಿಗಳ ಪ್ರಗತಿಯ ಬಗ್ಗೆ ಸಾರ್ವಜನಿಕರಿಂದ ಸಾಕಷ್ಟು ಟೀಕೆಗಳು ವ್ಯಕ್ತವಾಗುತ್ತಿವೆ. ಕಾಮಗಾರಿ ಚುರುಕುಗೊಳಿಸುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ’ ಎಂದು ಸ್ಮಾರ್ಟ್‍ಸಿಟಿ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಟಿ.ಭೂಬಾಲನ್ ತಿಳಿಸಿದ್ದಾರೆ.

‘ಕಾಮಗಾರಿ ನಡೆಯುತ್ತಿರುವ ಸ್ಥಳಗಳಲ್ಲಿ ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳಬೇಕು. ಸಾರ್ವಜನಿಕರಿಗೆ ತೊಂದರೆಯಾಗದಂತೆ ಎಚ್ಚರವಹಿಸಿ ನಿಗದಿತ ಅವಧಿಯಲ್ಲಿ ಕಾಮಗಾರಿಗಳನ್ನು ಪೂರ್ಣಗೊಳಿಸಬೇಕು ಎಂದು ಆದೇಶಿಸಲಾಗಿತ್ತು. ಈ ಆದೇಶವನ್ನು ಉಲ್ಲಂಘಿಸಿದ ಗುತ್ತಿಗೆದಾರರು ಹಾಗೂ ಅಧಿಕಾರಿಗಳ ಮೇಲೆ ಕಟ್ಟುನಿಟ್ಟಿನ ಕ್ರಮವನ್ನು ಕೈಗೊಳ್ಳಲಾಗುವುದು’ ಎಂದು ಅವರು ತಿಳಿಸಿದ್ದಾರೆ.

ಕಾಮಗಾರಿ ವಿಳಂಬ ಮತ್ತು ಸಾರ್ವಜನಿಕ ಹಿತದೃಷ್ಟಿಯಲ್ಲಿ ಅಗತ್ಯ ಸುರಕ್ಷಾ ಕ್ರಮಗಳನ್ನು ವಹಿಸದ ಗುತ್ತಿಗೆದಾರರಿಗೆ ಈ ಹಿಂದೆ ಭೂಬಾಲನ್ ₹ 65.9 ಲಕ್ಷ ದಂಡ ವಿಧಿಸಿದ್ದರು.

****

ಕಾಮಗಾರಿ;ಸಂಸ್ಥೆ;ದಂಡದ ಮೊತ್ತ (₹)

ಒಳರಸ್ತೆಗಳ ಅಭಿವೃದ್ಧಿ ಕಾಮಗಾರಿ;ಆರ್‌ಎಂಎನ್ ನಿರ್ಮಾಣ ಸಂಸ್ಥೆ;50,41,630

ಅಶೋಕ ರಸ್ತೆ ಅಭಿವೃದ್ಧಿ ಕಾಮಗಾರಿ;ಸಿದ್ಧಾರ್ಥ ಸಿವಿಲ್ ವರ್ಕ್ಸ್ ಸಂಸ್ಥೆ;26,97,720

ಅಮಾನಿಕೆರೆ ಕೆರೆ ಏರಿ ರಕ್ಷಣೆ ಮತ್ತು ಅಭಿವೃದ್ಧಿ;ಆರ್‌ಎಂಎನ್ ನಿರ್ಮಾಣ ಸಂಸ್ಥೆ;23,42,262

ಡಾ.ರಾಧಾಕೃಷ್ಣ ರಸ್ತೆ ಅಭಿವೃದ್ಧಿ; ಶ್ರೀನಿವಾಸ ನಿರ್ಮಾಣ ಸಂಸ್ಥೆ; 16,42,295

ಭಗವಾನ್ ಮಹಾವೀರ್ ರಸ್ತೆ ಅಭಿವೃದ್ಧಿ; ಸುಧಾಕರ ಪೆರಿಟಾಲ;10,31,460

ಮಹಿಳಾ ಥೀಮ್ ಪಾರ್ಕ್; ರಾಜೇಗೌಡ;6,77,377

ಟ್ರಾಮಾ ಸೆಂಟರ್; ಕೆ.ಬಿ.ಆರ್.ಇನ್‍ಫ್ರಾಟೆಕ್ ಸಂಸ್ಥೆ;5,28,000

ಫೀಲ್ಡ್ ಮಾರ್ಷಲ್ ಕಾರಿಯಪ್ಪ ರಸ್ತೆ ಅಭಿವೃದ್ಧಿ; ಶ್ರೀನಿವಾಸ ನಿರ್ಮಾಣ ಸಂಸ್ಥೆ;5,65,119

ಸರ್ಕಾರಿ ಪದವಿ ಪೂರ್ವ ಕಾಲೇಜು ಆವರಣದಲ್ಲಿ ಸಾಲು ಆಲದ ಮರಗಳ ವಿಶಾಲ ರಾಜಮಾರ್ಗದ ನಿರ್ಮಾಣ ಮತ್ತು ಅಭಿವೃದ್ಧಿ;ಎ1 ನಿರ್ಮಾಣ ಸಮಸ್ಥೆ;4,19,625

ಮೂರು ಉದ್ಯಾನ ಅಭಿವೃದ್ಧಿ;ಸಾಯಿತ್ರಿಷಾ ನಿರ್ಮಾಣ ಸಂಸ್ಥೆ;1,26,200

ಮಹಾತ್ಮ ಗಾಂಧಿ ಕ್ರೀಡಾಂಗಣದ ಅಭಿವೃದ್ಧಿ (ಪಿಎಂಸಿನಿಂದ ನಕ್ಷೆಗಳ ವಿಳಂಬ)-ಬೆಂಗಳೂರಿನ ಸಿಎಡಿಡಿ ಫೋರಂ;3,08,060