ವರದಕ್ಷಿಣೆ ಕಿರುಕುಳ: 3 ವರ್ಷ ಜೈಲು ಶಿಕ್ಷೆ

ಆರೋಪಿ ರವಿ ರೋಶನ್ ನಜ್ರಿತ್‌ ಅವರು 2013ರಲ್ಲಿ ಅನಿತ ಜುಸ್ತಿನ್ ಮೆಂಡೋನ್ಸಾ ಅವರನ್ನು ಶಿರ್ವದ ಚರ್ಚ್‍ನಲ್ಲಿ ಮದುವೆಯಾಗಿದ್ದರು. ಮದುವೆಗೂ ಮುನ್ನವೇ ವರದಕ್ಷಿಣೆ ರೂಪದಲ್ಲಿ 20 ಪವನ್ ಚಿನ್ನ ಪಡೆದಿದ್ದರು. ವಿವಾಹವಾದ ಬಳಿಕ ತವರುಮನೆಯಿಂದ ₹ 3 ಲಕ್ಷ ತರುವಂತೆ ಪತ್ನಿಗೆ ಮಾನಸಿಕ ಹಾಗೂ ದೈಹಿಕ ಹಿಂಸೆ ನೀಡಲು ಆರಂಭಿಸಿದರು.

ಇದರಿಂದ ಬೇಸತ್ತ ಅನಿತಾ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದ್ದರು. ಪ್ರಕರಣದ ವಿಚಾರಣೆ ನಡೆಸಿದ ನ್ಯಾಯಾಲಯ ಆರೋಪಗಳು ಸಾಬೀತಾಗಿದ್ದರಿಂದ ವಿವಿಧ ಕಲಂಗಳಡಿ ಮೂರು ವರ್ಷ ಶಿಕ್ಷೆ ಹಾಗೂ ₹ 10 ಸಾವಿರ ತಂಡ ವಿಧಿಸಿದೆ.

ಸರ್ಕಾರದ ಪರವಾಗಿ ಸಹಾಯಕ ಸರ್ಕಾರಿ ಅಭಿಯೋಜಕರಾದ ಕೆ.ಜಯಂತಿ ವಾದ ಮಂಡಿಸಿದ್ದರು.