ಕಾರ್ಕಳದಲ್ಲಿ ಈದ್ ಉಲ್ ಫಿತ್ರ್ ಸಂಭ್ರಮ

ಸಾಲ್ಮರದ ಈದ್ಗಾ ಮೈದಾನದಲ್ಲಿ ಸಾವಿರಾರು ಮಂದಿ ಮುಸ್ಲಿಮರು ಜಾಮಿಯಾ ಮಸೀದಿಯ ಗುರು ಮೌಲಾನ ಝಹೀರ್ ಅಹ್ಮದ್ ಖಾಸಿಮಿ ಅವರ ನೇತೃತ್ವದಲ್ಲಿ ಸಾಮೂಹಿಕ ಪ್ರಾರ್ಥನೆ ಸಲ್ಲಿಸಿದರು.

ಜುಮ್ಮಾ ಮಸೀದಿಯ ಧರ್ಮಗುರು ಝಹೀರ್ ಅಹ್ಮದ್ ಖಾಸ್ಮಿ, ‘ಎಲ್ಲರಿಗೂ ಫಿತ್ರ್ ಜಕಾತ್ ಕಡ್ಡಾಯವಾಗಿದೆ. ದಾನವನ್ನು ಯಾರಿಗೆ ಬೇಕಾದರೂ ನೀಡಬಹುದು’ ಎಂದರು.

ಜಮಾತ್‌ ಅಧ್ಯಕ್ಷ ಜನಾಬ್ ಅಶ್ಫಾಕ್ ಅಹ್ಮದ್ ಮಾತನಾಡಿ, ‘ದೇಶದಲ್ಲಿ ಜನರು ಶಾಂತಿ ಹಾಗೂ ನೆಮ್ಮದಿಯಿಂದ ಬಾಳಬೇಕು. ದೇಶದ ಭದ್ರತೆಗೆ, ಅಖಂಡತೆಗೆ ಯಾವುದೇ ಧಕ್ಕೆ ಬರದಂತೆ ನೋಡಿಕೊಳ್ಳುವುದೇ ಹಬ್ಬದ ಸಂದೇಶ’ ಎಂದರು.

ನಮಾಜ್ ನೆರವೇರಿಸಲು ದೂರ ದೂರದಿಂದ ಆಗಮಿಸಿದ ಸಹಸ್ರಾರು ಮಂದಿ ಭಕ್ತಾದಿಗಳು ಈದ್ಗಾದಲ್ಲಿ ಜಮಾಯಿಸಿದ್ದರು.