ಶುಕ್ರವಾರ, ಜೂನ್ 25, 2021
21 °C

25 ನಿಮಿಷದಲ್ಲಿ ಸಾವಿರ ಮೀಟರ್ ಈಜು!: ಆರರ ಪೋರನ ಸಾಧನೆಗೆ ತರಬೇತುದಾರರೂ ನಿಬ್ಬೆರಗು

ಶಾಂತೇಶ ಬೆನಕನಕೊಪ್ಪ Updated:

ಅಕ್ಷರ ಗಾತ್ರ : | |

Prajavani

ಮುಂಡಗೋಡ: ಅವನದ್ದು ಮನೆ ಅಂಗಳದಲ್ಲಿ ಆಟವಾಡುವ ವಯಸ್ಸು. ಆದರೆ, ವಯಸ್ಸಿಗೂ ಮೀರಿದ ಸಾಧನೆ ಈ ಆರರ ಪೋರನದ್ದು. ಮೂರನೇ ವಯಸ್ಸಿಗೆ ಈಜು ಕಲಿಯಲು ನೀರಿಗಿಳಿದ. ತರಬೇತುದಾರರು ಅಚ್ಚರಿಪಡುವಂತೆ ಸಾಧನೆ ಮಾಡುತ್ತ, ಈಜು ಕ್ರೀಡೆಯಲ್ಲಿ ಭರವಸೆ ಮೂಡಿಸಿದ್ದಾನೆ.

ತಾಲ್ಲೂಕಿನ ಚಿಗಳ್ಳಿ ಗ್ರಾಮದ ಬಿಎಸ್‌ಎಫ್ ಯೋಧ ಶಂಭುಲಿಂಗ ಶಿವಾಜಿ ಕೀರ್ತೆಪ್ಪನವರ್ ಅವರ ಪುತ್ರ ಓಂಕಾರ ಈಜಿನಲ್ಲಿ ಹೆಸರು ಮಾಡುತ್ತಿರುವ ಬಾಲಕನಾಗಿದ್ದಾನೆ. ಸದ್ಯ ಬೇಸಿಗೆ ರಜೆಗೆಂದು ಸ್ವಗ್ರಾಮಕ್ಕೆ ಬಂದಿದ್ದಾನೆ.

ರಾಜಸ್ಥಾನದ ಜೋಧಪುರದಲ್ಲಿ ಯೋಧ ಶಂಭುಲಿಂಗ ಸೇವೆ ಸಲ್ಲಿಸುತ್ತಿದ್ದು, ಅಲ್ಲಿನ ಸೇನಾ ವಸತಿ ಆವರಣದಲ್ಲಿರುವ ಈಜುಕೊಳದಲ್ಲಿ ಓಂಕಾರ ತರಬೇತಿ ಪಡೆಯುತ್ತಿದ್ದಾನೆ. ಈಗಾಗಲೇ 14 ವರ್ಷದ ಒಳಗಿನ ಜಿಲ್ಲಾಮಟ್ಟದ ಸ್ಪರ್ಧೆಯಲ್ಲಿ ಮೂರನೇ ಸ್ಥಾನ ಗೆದ್ದುಕೊಂಡಿದ್ದಾನೆ.

‘ಸೇನಾಧಿಕಾರಿಗಳ, ಯೋಧರ ಮಕ್ಕಳು ಈಜು ಕಲಿಯುತ್ತಿರುವುದನ್ನು ಪ್ರತಿದಿನ ವೀಕ್ಷಿಸುತ್ತಿದ್ದ. ಈತನೂ ಕಲಿಯಬಹುದು ಎಂದು ತರಬೇತಿ ಕೊಡಿಸಲಾಯಿತು. ಆದರೆ, ತರಬೇತುದಾರರ ನಿರೀಕ್ಷೆಗೂ ಮೀರಿ ಸಾಧನೆ ಮಾಡುತ್ತಿದ್ದ. ಸದ್ಯ ಮೂರು ಗಂಟೆ ನಿರಂತರ ಅಭ್ಯಾಸ ಮಾಡುವ ಸಾಮರ್ಥ್ಯ ಹೊಂದಿದ್ದಾನೆ. 32 ನಿಮಿಷ ಫ್ರೀಸ್ಟೈಲ್‌ನಲ್ಲಿ ಈಜುತ್ತಾನೆ’ ಎನ್ನುತ್ತಾರೆ ಬಾಲಕನ ತಂದೆ ಶಂಭುಲಿಂಗ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು