ಮೊದಲ ಹಂತದ ಚುನಾವಣೆಗೆ ನಾಮಪತ್ರ ಸಲ್ಲಿಸಲು ಶುಕ್ರವಾರ ಕೊನೆಯ ದಿನವಾಗಿತ್ತು. ಹಾಗಾಗಿ ವಿವಿಧ ಗ್ರಾಮ ಪಂಚಾಯಿತಿ ಕಚೇರಿಗಳ ಎದುರು ನಾಮಪತ್ರ ಸಲ್ಲಿಸುವವರ ಉದ್ದುದ್ದ ಸಾಲುಗಳು ಕಂಡುಬಂದವು. ಗುರುವಾರವೂ ಉಮೇದುವಾರರ ಸಂಖ್ಯೆ ಹೆಚ್ಚಿತ್ತು. ಒಂದೇ ದಿನ 1,572 ನಾಮಪತ್ರಗಳು ಸಲ್ಲಿಕೆಯಾಗಿದ್ದವು. ಗುರುವಾರ 258 ಕ್ಷೇತ್ರಗಳಿಗೆ ಒಂದೂ ಉಮೇದುವಾರಿಕೆ ಬಂದಿರಲಿಲ್ಲ. ಆ ಕ್ಷೇತ್ರಗಳೂ ಸೇರಿದಂತೆ ಇತರ ಕಡೆಗಳಲ್ಲಿ ಕೂಡ ಕೊನೆಯ ಕ್ಷಣದ ಗಡಿಬಿಡಿ ಗೋಚರಿಸಿತು.
