‘ಅಧ್ಯಯನಶೀಲತೆ ಶಿಕ್ಷಕರ ಆಸಕ್ತಿಯಾಗಲಿ’

7
ಶಿರಸಿ ಶೈಕ್ಷಣಿಕ ಜಿಲ್ಲಾ ಮಟ್ಟದ ಶಿಕ್ಷಕರ ದಿನಾಚರಣೆ, ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪ್ರದಾನ

‘ಅಧ್ಯಯನಶೀಲತೆ ಶಿಕ್ಷಕರ ಆಸಕ್ತಿಯಾಗಲಿ’

Published:
Updated:
Deccan Herald

ಶಿರಸಿ: ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪ್ರದಾನ, ನಿವೃತ್ತ ಶಿಕ್ಷಕರಿಗೆ ಗೌರವ ಅರ್ಪಣೆ, ಎಸ್‌.ಎಸ್‌.ಎಲ್‌.ಸಿ.ಯಲ್ಲಿ ಶೇ 100ರ ಸಾಧನೆ ಮಾಡಿದ ಸರ್ಕಾರಿ ಪ್ರೌಢಶಾಲೆಗಳ ಮುಖ್ಯ ಶಿಕ್ಷಕರನ್ನು ಸನ್ಮಾನಿಸುವ ಮೂಲಕ ಶಿರಸಿ ಶೈಕ್ಷಣಿಕ ಜಿಲ್ಲಾ ಮಟ್ಟದ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮವನ್ನು ಬುಧವಾರ ಇಲ್ಲಿ ಸಂಭ್ರಮದಿಂದ ಆಚರಿಸಲಾಯಿತು.

ಕಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಅಮ್ಮಿನಳ್ಳಿ ಶಾಲೆಯ ಸಹಶಿಕ್ಷಕ ಉದಯ ಭಟ್ಟ, ಸಿದ್ದಾಪುರ ಹೂಡ್ಲಮನೆ ಶಾಲೆಯ ಶಿಕ್ಷಕಿ ಸಂಶಿಯಾ, ಯಲ್ಲಾಪುರ ಜಂಬೇಸಾಲ ಶಾಲೆಯ ಶಿಕ್ಷಕಿ ಪದ್ಮಾವತಿ ನಾಯ್ಕ, ಮುಂಡಗೋಡ ತೊಗ್ರಳ್ಳಿಯ ಶಿಕ್ಷಕ ಗಣಪತಿ ಭಟ್ಟ, ಹಳಿಯಾಳ ಕಂಚಳಾಪುರ ಶಾಲೆಯ ಶಿಕ್ಷಕ ಬಿ.ಇ.ಹನುಮಂತಪ್ಪ, ಜೊಯಿಡಾ ಮೈನೋಳ ಶಾಲೆಯ ವಸಂತ ಅರ್ಕಸಾಲಿ, ಹಿರಿಯ ಪ್ರಾಥಮಿಕ ಶಾಲಾ ವಿಭಾಗದಲ್ಲಿ ಶಿರಸಿ ಬೆಣಗಾಂವ ಶಾಲೆಯ ಶಿಕ್ಷಕ ಎಂ.ಬಿ.ನಾಯಕ, ಯಲ್ಲಾಪುರ ಮಂಚಿಕೇರಿಯ ಶಾಲೆಯ ಶಿಕ್ಷಕಿ ಜಯಶ್ರೀ ಕುರ್ಡೇಕರ್, ಮುಂಡಗೋಡ ಶಾಲೆ ನಂ.2ರ ಶಿಕ್ಷಕ ನಾಗರಾಜ ಕಳಲಕೊಂಡ, ಹಳಿಯಾಳ ಮಂಗಳವಾಡ ಶಾಲೆಯ ಶಿಕ್ಷಕಿ ಭಾರತಿ ನಲವಡೆ, ಜೊಯಿಡಾ ಅಣಶಿ ಶಾಲೆಯ ಶಿಕ್ಷಕಿ ಅಕ್ಷತಾ ಕೃಷ್ಣಮೂರ್ತಿ ಅವರು ಪ್ರಶಸ್ತಿ ಸ್ವೀಕರಿಸಿದರು.

ಪ್ರೌಢಶಾಲಾ ವಿಭಾಗದಲ್ಲಿ ಪ್ರೊಗ್ರೆಸ್ಸಿವ್ ಪ್ರೌಢಶಾಲೆಯ ಶಿಕ್ಷಕ ಅನಿಲ ಗಾಂವಕರ್, ಸಿದ್ದಾಪುರ ಹಾರ್ಸಿಕಟ್ಟಾ ಅಶೋಕ ಪ್ರೌಢಶಾಲೆಯ ಶಿಕ್ಷಕ ಸುಬ್ರಹ್ಮಣ್ಯ ಗೌಡ, ಯಲ್ಲಾಪುರ ಪ್ರೌಢಶಾಲೆಯ ಶಿಕ್ಷಕಿ ನಾಗರತ್ನಾ ನಾಯಕ, ಮುಂಡಗೋಡ ಇಂದೂರ ಪ್ರೌಢಶಾಲೆಯ ಶಿಕ್ಷಕ ಕೆ.ಪಿ.ಆನಂದಪ್ಪಗೌಡ, ಹಳಿಯಾಳ ಅಂಬಿಕಾನಗರ ಕೆ.ಎಚ್.ಪಿ ಪ್ರೌಢಶಾಲೆಯ ಶಿಕ್ಷಕ ಎಂ.ಎಸ್.ಪಾಟೀಲ, ಜೊಯಿಡಾ ಕುಂಬಾರವಾಡ ಸರ್ಕಾರಿ ಪ್ರೌಢಶಾಲೆಯ ಶಿಕ್ಷಕ ಸಿ.ಬಿ.ಪಾಟೀಲ ಅವರಿಗೆ ಪ್ರಶಸ್ತಿ ನೀಡಿ ಸನ್ಮಾನಿಸಲಾಯಿತು.

ಕಾರ್ಯಕ್ರಮ ಉದ್ಘಾಟಿಸಿದ ಶಾಸಕ ವಿಶ್ವೇಶ್ವರ ಹೆಗಡೆ ಕಾಗೇರಿ ಮಾತನಾಡಿ, ‘ಸೂರ್ಯನಂತೆ ಪ್ರಕಾಶಿಸಿದ್ದ ಸರ್ವಪಲ್ಲಿ ರಾಧಾಕೃಷ್ಣನ್ ಅವರು ಶಿಕ್ಷಕರಿಗೆ ಸಾರ್ವಕಾಲಿಕ ಆದರ್ಶ ವ್ಯಕ್ತಿಯಾಗಿದ್ದಾರೆ. ಇಂದಿನ ಶಿಕ್ಷಕರು ಹಣತೆಯ ದೀಪದಂತಾದರೂ ಆಗಿ, ಮಕ್ಕಳ ಮೇಲೆ ಬೆಳಕು ಬೀರಬೇಕು. ಪಠ್ಯಕ್ಕೆ ಸೀಮಿತವಾಗದೇ, ಮಕ್ಕಳಿಗೆ ಬದುಕಿನ ಶಿಕ್ಷಣ, ಜ್ಞಾನವರ್ಧನೆಯ ಪಾಠ ಮಾಡಬೇಕು. ವೃತ್ತಿ ಪಾವಿತ್ರ್ಯತೆಯನ್ನು ಉಳಿಸಿಕೊಂಡು, ಇತರರಿಗೆ ಪ್ರೇರಣೆಯಾಗಬೇಕು. ಪರಿಪೂರ್ಣ ವ್ಯಕ್ತಿತ್ವ, ಅಧ್ಯಯನಶೀಲತೆಯೆಡೆಗೆ ಆಸಕ್ತಿ ತೋರಬೇಕು’ ಎಂದರು.

ಪ್ರಸಕ್ತ ಸಾಲಿನಲ್ಲಿ ನಿವೃತ್ತಿ ಹೊಂದಿದ 32 ಶಿಕ್ಷಕರನ್ನು ಸನ್ಮಾನಿಸಲಾಯಿತು. ಎಸ್‌.ಎಸ್.ಎಲ್‌.ಸಿ.ಯಲ್ಲಿ ಶೇ 100ರ ಸಾಧನೆ ಮಾಡಿದ 17 ಸರ್ಕಾರಿ ಪ್ರೌಢಶಾಲೆಗಳ ಮುಖ್ಯ ಶಿಕ್ಷಕರನ್ನು ಪುರಸ್ಕರಿಸಲಾಯಿತು. ತಾಲ್ಲೂಕು ಪಂಚಾಯ್ತಿ ಅಧ್ಯಕ್ಷೆ ಶ್ರೀಲತಾ ಕಾಳೇರಮನೆ ಅಧ್ಯಕ್ಷತೆ ವಹಿಸಿದ್ದರು.

ತಾಲ್ಲೂಕು ಪಂಚಾಯ್ತಿ ಉಪಾಧ್ಯಕ್ಷ ಚಂದ್ರು ದೇವಾಡಿಗ, ಸದಸ್ಯರಾದ ರವಿ ಹಳದೋಟ, ರತ್ನಾ ಶೆಟ್ಟಿ, ನಾಗರಾಜ ಶೆಟ್ಟಿ, ಜಿಲ್ಲಾ ಪಂಚಾಯ್ತಿ ಸದಸ್ಯರಾದ ಜಿ.ಎನ್.ಹೆಗಡೆ ಮುರೇಗಾರ, ಉಷಾ ಹೆಗಡೆ, ರೂಪಾ ನಾಯ್ಕ, ಬಸವರಾಜ ದೊಡ್ಮನಿ, ಉಪವಿಭಾಗಾಧಿಕಾರಿ ಕೆ.ರಾಜು ಮೊಗವೀರ, ತಹಶೀಲ್ದಾರ್ ಎಂ.ಆರ್.ಕುಲಕರ್ಣಿ, ಡಯಟ್ ಪ್ರಾಚಾರ್ಯ ಬಿ.ವಿ.ನಾಯ್ಕ, ಬಿಇಒ ಸದಾನಂದ ಸ್ವಾಮಿ, ಶಿಕ್ಷಕರ ಸಂಘದ ಪ್ರಮುಖರಾದ ಎಂ.ಎಚ್.ನಾಯ್ಕ, ದಿನೇಶ ನಾಯ್ಕ, ನಾರಾಯಣ ದೈಮನೆ, ನಾರಾಯಣ ನಾಯ್ಕ, ಪ್ರಶಾಂತ ಹೆಗಡೆ ಇದ್ದರು. ಪ್ರಭಾರಿ ಡಿಡಿಪಿಐ ಸಿ.ಎಸ್.ನಾಯ್ಕ ಸ್ವಾಗತಿಸಿದರು. ಶಿಕ್ಷಕರಾದ ಎನ್.ಎಸ್.ಭಾಗವತ, ಪ್ರಸಾದ ಹೆಗಡೆ ನಿರೂಪಿಸಿದರು.

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !