ಮಂಜೂರಾದ ಒಟ್ಟು 44 ಕಾಯಂ ಹುದ್ದೆಗಳಲ್ಲಿ ಕೇವಲ 12 ಹುದ್ದೆಗಳು ಭರ್ತಿಯಾಗಿವೆ (ಶೇ.27.27ರಷ್ಟು). ತಾಲ್ಲೂಕು ಪಶು ಆಸ್ಪತ್ರೆಯನ್ನು ಒಳಗೊಂಡು ಅಗಸೂರು, ಹಿಲ್ಲೂರು, ಹಳವಳ್ಳಿ, ಹಾರವಾಡ, ಬಾಸಗೋಡ, ಅಡಿಗೋಣ, ರಾಮನಗುಳಿ ಮತ್ತು ಕೊಡ್ಲಗದ್ದೆಗಳಲ್ಲಿ ಪಶು ಚಿಕಿತ್ಸಾಲಯಗಳಿವೆ. ಇವುಗಳಲ್ಲಿ ಮೂರು ಪಶು ಚಿಕಿತ್ಸಾಲಯಗಳನ್ನು ಹೊರತುಪಡಿಸಿ ಉಳಿದೆಡೆ ಯಾವುದೇ ಕಾಯಂ ಸಿಬ್ಬಂದಿಯಿಲ್ಲ. ಹೊರಗುತ್ತಿಗೆ ಆಧಾರದ ಮೇಲೆ ‘ಡಿ’ ದರ್ಜೆ ನೌಕರರನ್ನು ನೇಮಿಸಿಕೊಂಡು ನಿರ್ವಹಣೆ ಮಾಡಲಾಗುತ್ತಿದೆ.