ಕಳೆದ ಮೇ ತಿಂಗಳಲ್ಲಿ ಕೋವಿಡ್ ಸೋಂಕಿನ ದರದಲ್ಲಿ ತಾಲ್ಲೂಕು ಮುಂಚೂಣಿಯಲ್ಲಿತ್ತು. ಬನವಾಸಿ, ಭಾಶಿ ಭಾಗದಲ್ಲಿ ಅತಿಹೆಚ್ಚು ಪ್ರಕರಣಗಳು ಪತ್ತೆಯಾಗಿದ್ದವು. ಶೇ.80ರ ವರೆಗೆ ತಲುಪಿದ್ದ ಪಾಸಿಟಿವಿಟಿ ದರ ಜನರಲ್ಲಿ ಆತಂಕ ಹುಟ್ಟಿಸಿತ್ತು. ಮೇ 15 ರಂದು ಒಂದೇ ದಿನ 214 ಪ್ರಕರಣ ದಾಖಲಾಗಿದ್ದವು. ಮೇ 19 ರಂದು 199 ಪ್ರಕರಣ ದಾಖಲಾಗಿತ್ತು. ದಿನವೂ ಸರಾಸರಿ ನೂರಕ್ಕಿಂತ ಹೆಚ್ಚು ಕೋವಿಡ್ ಪ್ರಕರಣಗಳು ವರದಿಯಾಗುತ್ತಿದ್ದು, ಜೂನ್ ಮಧ್ಯಂತರದ ಬಳಿಕ ಈ ಪ್ರಮಾಣ ಇಳಿಕೆಯಾಗಿತ್ತು.