ಕುಮಟಾ: ತಾಲ್ಲೂಕಿನ ವಾಲಗಳ್ಳಿ ಸಮೀಪದ ಹಾರೋಡಿ ಕ್ರಾಸ್ ಬಳಿ ಶನಿವಾರ ಜೆ.ಸಿ.ಬಿ ವಾಹನವೊಂದು ಬೈಕ್ಗೆ ಡಿಕ್ಕಿ ಹೊಡೆದಿದ್ದು, ಸವಾರ ಹಾಗೂ ಹಿಂಬದಿ ಸವಾರ ಗಾಯಗೊಂಡಿದ್ದಾರೆ.
ಹೊನ್ನಾವರ ತಾಲ್ಲೂಕಿನ ಹೊದ್ಕೆಶಿರೂರು ಗ್ರಾಮದ ಕೂಲಿ ಕಾರ್ಮಿಕರಾದ ಮಂಜುನಾಥ ಹನುಮಂತ ನಾಯ್ಕ ಹಾಗೂ ಮಂಜುನಾಥ ನಾಗಪ್ಪ ನಾಯ್ಕಗಾಯಗೊಂಡವರು.
ಜೆ.ಸಿ.ಪಿ ಚಾಲಕ ವಿಜಯಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ಚಿದಾನಂದ ಕುಂಬಾರ ಆರೋಪಿಯಾಗಿದ್ದು, ಹೊನ್ನಾವರ ತಾಲ್ಲೂಕಿನ ಚಂದಾವರ ಕಡೆಯಿಂದ ನಂಬರ್ ಪ್ಲೇಟ್ ಅಳವಡಿಸದ ಹೊಸ ಜೆ.ಸಿ.ಬಿ ವಾಹನ ಚಲಾಯಿಸಿಕೊಂಡು ಕುಮಟಾ ಕಡೆಗೆ ಬರುವಾಗ ಎದುರು ಬಂದ ಬೈಕ್ಗೆ ಡಿಕ್ಕಿ ಹೊಡೆದಿದ್ದಾನೆ ಎಂದು ಪ್ರಕರಣ ದಾಖಲಿಸಿರುವ ಕುಮಟಾ ಪೊಲೀಸರು ತಿಳಿಸಿದ್ದಾರೆ.
