ತಿಂಗಳ ಹಿಂದೆ ಜಿಲ್ಲೆಗೆ ಪೂರೈಕೆಯಾಗಿದ್ದ ಇ.ವಿ.ಎಂ. ಯಂತ್ರಗಳನ್ನು ತಾಲ್ಲೂಕಿನ ಮುಡಗೇರಿಯಲ್ಲಿರುವ ಉಗ್ರಾಣದಲ್ಲಿ ಪೊಲೀಸ್ ಭದ್ರತೆಯೊಂದಿಗೆ ಇರಿಸಲಾಗಿದೆ. ಜ.12ರಿಂದ 21ರವರೆಗೆ ಹೈದರಾಬಾದ್ನ ಇ.ಸಿ.ಐ.ಎಲ್. ಸಂಸ್ಥೆಯ 18 ಎಂಜಿನಿಯರ್ಗಳ ನೇತೃತ್ವದಲ್ಲಿ ವಿವಿಧ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು, ಅಧಿಕಾರಿಗಳ ಸಮ್ಮುಖದಲ್ಲಿ ಇ.ವಿ.ಎಂ.ಗಳ ಸುಸ್ಥಿತಿಯ ಕುರಿತು ಮೊದಲ ಹಂತದ ತಪಾಸಣೆ ನಡೆದಿದೆ. 1,883 ಕಂಟ್ರೋಲ್ ಯುನಿಟ್, 2,685 ಬ್ಯಾಲೆಟ್ ಯುನಿಟ್, 2,039 ವಿ.ವಿ.ಪ್ಯಾಟ್ಗಳನ್ನು ಸಜ್ಜುಗೊಳಿಸಲಾಗಿದೆ.