ಚಂದಾವರ: ಹ್ಯಾಕರ್ ಬಂಧನ

ಹರಿಯಾಣದ ಪೊಲೀಸ್ ತಂಡ ಸ್ಥಳೀಯ ಪೊಲೀಸರ ನೆರವು ಪಡೆದು ಆರೋಪಿಯನ್ನು ಬಂಧಿಸಿದೆ. ಆರೋಪಿ ಇಮಾಮ್ ಸಾಬ್ ಅಮೆರಿಕಾದ ಮಹಿಳೆಯೊಬ್ಬರಿಂದ ಹಣ ಪಡೆದು ಆಕೆಯ ಅಣತಿಯಂತೆ ಹರಿಯಾಣ ರಾಜ್ಯದ ಗುರುಗ್ರಾಮದ ವಿವಾಹಿತ ಮಹಿಳೆಯ ಮೊಬೈಲ್ ಹ್ಯಾಕ್ ಮಾಡಿ ಅದರಲ್ಲಿದ್ದ ಫೋಟೊಗಳನ್ನು ಅಮೆರಿಕದ ಮಹಿಳೆಗೆಕಳಿಸಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಿಇ ಕಂಪ್ಯೂಟರ್ ಸೈನ್ಸ್ ಪದವೀಧರನಾಗಿದ್ದ ಆರೋಪಿ ಇಮಾಮ್ ವಿವಿಧ ಕಂಪನಿಗಳಲ್ಲಿ ಕೆಲಸ ಮಾಡಿರುವ ಅನುಭವ ಹೊಂದಿದ್ದಾನೆ. ಊರಿಗೆ ವಾಪಸ್ ಬಂದಿದ್ದ ಈತ ಕಂಪನಿಯೊಂದಕ್ಕೆ ‘ಎಥಿಕಲ್ ಹ್ಯಾಕರ್’ ಎಂದು ಸೇವೆ ಸಲ್ಲಿಸುತ್ತಿದ್ದ. ಬಿ.ಎಂ.ಡಬ್ಲ್ಯೂ ಕಾರ್ ಖರೀದಿಸಿದ್ದ ಆರೋಪಿ ಐಷಾರಾಮಿ ಜೀವನ ಸಾಗಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.