ಕಾರವಾರ: ‘ವಸೂಲಿ ಕೇಂದ್ರ’ವಾದ ಬಸ್ ನಿಲ್ದಾಣದ ಮೂತ್ರಾಲಯ

ಕುಮಟಾ ಪಟ್ಟಣ ಮುಖ್ಯ ಬಸ್ ನಿಲ್ದಾಣದಲ್ಲಿರುವ ಶೌಚಾಲಯ ನಿರ್ವಹಣೆಯನ್ನು ಉತ್ತರ ಪ್ರದೇಶದ ವ್ಯಕ್ತಿಯೊಬ್ಬರು ಗುತ್ತಿಗೆ ಪಡೆದು ಅದನ್ನು ನಿರ್ವಹಿಸಲು ಬೇರೆಯವರಿಗೆ ಕೊಟ್ಟಿದ್ದಾರೆ. ‘ಬೆಳಗಿನ ಹೊತ್ತು ಮಾತ್ರ ಬಸ್ ನಿಲ್ದಾಣ ಶೌಚಾಲಯ ಸಾಧಾರಣ ಶುಚಿಯಾಗುತ್ತದೆ. ಜನ ದಟ್ಟಣೆ ಹೆಚ್ಚಿದಂತೆ ಶೌಚಾಲಯದಿಂದ ದುರ್ವಾಸನೆ ಬೀರುವುದು ಹೆಚ್ಚಾಗುತ್ತದೆ’ ಎಂದು ಪ್ರಯಾಣಿಕ ವಸಂತ ನಾಯ್ಕ ದೂರಿದರು. ‘ಬಸ್ ನಿಲ್ದಾಣದ ಶೌಚಾಲಯ ನಿರ್ವಹಿಸುವ ಗುತ್ತಿಗೆದಾರರು ಹಣ ಪಡೆದರೂ ಅದನ್ನು ಶುಚಿಯಾಗಿಡದಿರುವುದು ನಿಜವಾಗಿದೆ. ಗುತ್ತಿಗೆದಾರರಿಗೆ ಶುಚಿತ್ವ ಕಾಪಾಡುವ ಬಗ್ಗೆ ಎಚ್ಚರಿಕೆ ನೀಡಲಾಗಿದೆ. ಡೆಂಗಿ ಮುಂತಾದ ರೋಗ ಹರುಡವ ಸಾಧ್ಯತೆ ಇರುವುದರಿಂದ ಪ್ರತೀ ವಾರ ಅನಿರೀಕ್ಷಿತ ಭೇಟಿ ಶುಚಿತ್ವ ಪರೀಕ್ಷೆ ನಡೆಸುತ್ತೇನೆ’ ಎಂದು ಕುಮಟಾ ಸಾರಿಗೆ ಘಟಕ ವ್ಯವಸ್ಥಾಪಕ ಎಸ್.ಎಂ.ಕುರ್ತಕೋಟಿ ಪ್ರತಿಕ್ರಿಯಿಸಿದರು.