ಹಳಿಯಾಳ: ತಾಲ್ಲೂಕಿನಾದ್ಯಂತ ಮಳೆಯಿಂದ ಶುಕ್ರವಾರ ಗ್ರಾಮೀಣ ಭಾಗದ ತೇರಗಾಂವ ಗ್ರಾಮದಲ್ಲಿ ಒಂದು ಮನೆ ಗೋಡೆ, ಶಿವಪುರ ಗ್ರಾಮದ ಎರಡು ಮನೆ ಗೋಡೆಗಳು ಬಿದ್ದು ಹಾನಿಯಾಗಿವೆ.
ಈವರೆಗೆ ಸುಮಾರು ಹಳಿಯಾಳ ತಾಲ್ಲೂಕಿನಾದ್ಯಂತ 30ಕ್ಕೂ ಹೆಚ್ಚು ಮನೆಗಳ ಗೋಡೆ ಬಿದ್ದು ಹಾನಿಯಾಗಿದೆ.
ತೇರಗಾಂವ ಗ್ರಾಮದ ವೀರಭದ್ರ ಮಾರುತಿ ಕುಂಬಾರ, ರೂಪಾ ಕಲ್ಲಪ್ಪಾ ಮಾಯಣ್ಣವರ್, ಶಿವಪುರ ಗ್ರಾಮದ ಬಸಪ್ಪಾ ಸಿದ್ದಪ್ಪಾ ಕರಪೂರ ಅವರ ಮನೆ ಗೋಡೆ ಬಿದ್ದು ಹಾನಿಯಾಗಿದೆ. ಪರಿಹಾರ ಕಾರ್ಯದ ಬಗ್ಗೆ ಕಂದಾಯ ಇಲಾಖಾಧಿಕಾರಿ ಪರಿಶೀಲನೆ ಕೈಗೊಂಡಿದ್ದಾರೆ.