ಪಾಲನೆಯಾಗದ ಆದೇಶ: ನಿಷೇಧದ ನಡುವೆಯೂ ಹೆಚ್ಚಿದ ಬೆಳಕಿನ ಮೀನುಗಾರಿಕೆ

‘ಅವೈಜ್ಞಾನಿಕ ಮಾದರಿಯಲ್ಲಿ ಮೀನುಗಾರಿಕೆ ನಡೆಸುತ್ತಿರುವುದು ಕಾರವಾರವೂ ಸೇರಿದಂತೆ ಹಲವೆಡೆ ಹೆಚ್ಚುತ್ತಿದೆ. ಪರ್ಸಿನ್ ಯೂನಿಯನ್‍‍ನಲ್ಲಿದ್ದ ಪ್ರಮುಖರಲ್ಲೇ ಕೆಲವರು ನಿಯಮಬಾಹೀರವಾಗಿ ಸಣ್ಣ ಗಾತ್ರದ ಬಲೆ ಬಳಸಿ ಮೀನು ಹಿಡಿಸುತ್ತಿದ್ದಾರೆ. 18 ಎಂ.ಎಂ 22 ಎಂ.ಎಂ ಗಾತ್ರದ ಬಲೆಗಳ ಬಳಕೆ ಆಳಸಮುದ್ರದ ಮೀನುಗಾರಿಕೆಯಲ್ಲಿ ನಿಷೇಧವಿದೆ. ಆದರೆ ಅವುಗಳನ್ನೇ ಬಳಸಿ ಮೀನುಗಾರಿಕೆ ನಡೆಸುತ್ತಿರುವುದರಿಂದ ಸಣ್ಣ ಗಾತ್ರದ ಮರಿಗಳು ಬಲೆಗೆ ಬಿದ್ದು ಮತ್ಸ್ಯ ಸಂತತಿ ನಶಿಸಲು ಕಾರಣವಾಗುತ್ತಿದೆ’ ಎಂದು ಪರ್ಸಿನ್ ಬೋಟ್ ಮಾಲೀಕ ವಿಕ್ರಮ್ ತಾಂಡೇಲ ದೂರಿದರು.