ತಂತ್ರಜ್ಞಾನದ ಸದ್ಬಳಕೆಗೆ ವಿದ್ಯಾರ್ಥಿಗಳ ‘ಮಾದರಿ’

ಕಾರವಾರ: ಅಪಘಾತವಾದರೆ ಅದರ ತೀವ್ರತೆ, ಸ್ಥಳ, ವಾಹನದ ಮಾಹಿತಿಯನ್ನು ಕ್ಷಣಾರ್ಧದಲ್ಲಿ ಆಂಬುಲೆನ್ಸ್ಗೆ ರವಾನೆ, ಪಾರ್ಶ್ವವಾಯು ಪೀಡಿತ ರೋಗಿಗಳ ಬೆರಳು ಸಂಜ್ಞೆಯ ಮೂಲಕ ಸಂಬಂಧಿಗಳ ಜತೆ ಸಂವಹನ... ಮುಖ ಚಹರೆ ಗುರುತಿಸಿದ ಮೇಲೆ ವಾಹನದ ಎಂಜಿನ್ ಸ್ವಿಚ್ ಆನ್ ಆಗುವ ತಂತ್ರಜ್ಞಾನ...!

. ಇಂತಹ ಹಲವು ಮಾದರಿಗಳನ್ನು ತಾಲ್ಲೂಕಿನ ಮಾಜಾಳಿ ಸಮೀಪದ ಜೀಜಾಬಾಯಿ ಸೈಲ್ ಎಂಜಿನಿಯರಿಂಗ್ ಕಾಲೇಜಿನಲ್ಲಿ ಕೊನೆಯ ಸೆಮಿಸ್ಟರ್ ಅಧ್ಯಯನ ಮಾಡುತ್ತಿರುವ ವಿದ್ಯಾರ್ಥಿಗಳು ಅಭಿವೃದ್ಧಿಪಡಿಸಿದ್ದಾರೆ. ಕಾಲೇಜಿನಲ್ಲಿ ಏರ್ಪಡಿಸಿರುವ ಮಾದರಿಗಳ ಪ್ರದರ್ಶನದಲ್ಲಿ ಇವು ಗಮನ ಸೆಳೆಯುತ್ತಿವೆ.

. ಕಂಪ್ಯೂಟರ್ ಸೈನ್ಸ್ ವಿದ್ಯಾರ್ಥಿಗಳಾದ ಸಂದೀಪ್ ಭಟ್ ಹಾಗೂ ರುಪಾರ್ತೊ ಬ್ರಗಾಂಜಾ ಅಭಿವೃದ್ಧಿ ಪಡಿಸಿರುವ ‘ಆಕ್ಸೆಲೋಮೀಟರ್ ಬೇಸ್ಡ್ ವೆಹಿಕಲ್ ಸೇಫ್ಟಿ ಸಿಸ್ಟಮ್ಸ್’ ವಿಶೇಷವಾಗಿದೆ. ವಾಹನ ಪಲ್ಟಿಯಾದರೆ ಅದರಲ್ಲಿರುವ ಸೆನ್ಸರ್ ಅಪಘಾತದ ತೀವ್ರತೆಯನ್ನು ಆಧರಿಸಿ ಆಂಬುಲೆನ್ಸ್ಗಳಿಗೆ ಸಂದೇಶ ಕಳುಹಿಸುತ್ತದೆ. ಅಪಘಾತವಾಗಿ ನುಜ್ಜುಗುಜ್ಜಾದರೆ ಅದನ್ನೂ ದಾಖಲಿಸಿ ಮಾಹಿತಿ ರವಾನೆ ಮಾಡುತ್ತದೆ. ಈ ಸಾಧನದಲ್ಲಿ ಜಿಪಿಎಸ್ ಅಳವಡಿಸಿರುವ ಕಾರಣ ವಾಹನವಿರುವ ಸ್ಥಳವನ್ನೂ ನಿಖರವಾಗಿ ಗುರುತಿಸಲು ಸಾಧ್ಯವಿದೆ.

. ‘ಅಪಘಾತಗಳಾಗುವ ಸಂದರ್ಭದಲ್ಲಿ ತಕ್ಷಣ ಚಿಕಿತ್ಸೆ ಸಿಗದೇ ಮೃತಪಡುವವರ ಸಂಖ್ಯೆ ಹೆಚ್ಚುತ್ತಿದೆ. ಇದನ್ನು ಮನಗಂಡು ನಾವು ಈ ಸಾಧನವನ್ನು ಅಭಿವೃದ್ಧಿಪಡಿಸಿದ್ದೇವೆ’ ಎನ್ನುತ್ತಾರೆ ಅವರು.

. ಅಂಕಿತಾ ಕದಂ, ನೇಹಾ ರಾಣಿ, ಶ್ರದ್ಧಾ ವೆರ್ಣೇಕರ್, ಆಸ್ಮಾ ಗೌಡ ಅವರ ತಂಡವು ಪಾರ್ಶ್ವವಾಯು ಪೀಡಿತರಿಗೆ ಸಹಾಯವಾಗುವ ರೀತಿಯ ಸಾಧವನ್ನು ಅಭಿವೃದ್ಧಿಪಡಿಸಿದೆ.

. ‘ಪಾರ್ಶ್ವವಾಯು ಹಾಗೂ ವಿವಿಧ ರೋಗಗಳಿಂದ ತೊಂದರೆಗೆ ಒಳಗಾದವರಿಗೆ ಸ್ವಯಂ ನಿಗಾ ವಹಿಸಲು ಸಹಕಾರಿಯಾಗುವ ತಂತ್ರಜ್ಞಾನವಿದು. ಸೆನ್ಸರ್ಗಳನ್ನು ಅಳವಡಿಸಿರುವ ಕೈಗವಸುಗಳನ್ನು ರೋಗಿಗಳು ಧರಿಸಿಕೊಳ್ಳಬೇಕು. ಅದರ ಮೂಲಕ ಅವರು ಬೆರಳುಗಳ ಮೂಲಕ ಬೇರೆ ಬೇರೆ ಸಂಜ್ಞೆಗಳನ್ನು ಮಾಡಬಹುದು. ಸೆನ್ಸರ್ಗಳು ರೋಗಿಯ ಆರೈಕೆ ಮಾಡುವವರ ಮೊಬೈಲ್ಗೆ ಸಂದೇಶ ಕಳುಹಿಸುತ್ತವೆ. ಇದರಿಂದ ರೋಗಿಗೆ ಏನು ಬೇಕಾಗಿದೆ ಎಂದು ತಿಳಿದುಕೊಂಡು ಉತ್ತಮ ಆರೈಕೆ ಮಾಡಲು ಸಾಧ್ಯ’ ಎನ್ನುತ್ತಾರೆ ತಂಡದ ಸದಸ್ಯೆಯರು.

. ವಾಹನ ಕಳವು ತಡೆಯಲು ಮುಖ ಚಹರೆ ಕಂಡುಹಿಡಿಯುವ ಸಾಧನ, ರಸ್ತೆಯಲ್ಲಿ ನಿಗದಿಪಡಿಸಿರುವ ವೇಗಮಿತಿಯಲ್ಲೇ ವಾಹನಗಳ ಚಾಲನೆಗೆ ನಿರ್ಬಂಧಿಸುವ ತಂತ್ರಜ್ಞಾನ, ಕಲ್ಲಿದ್ದಲು ಗಣಿಗಳಲ್ಲಿ ಕೆಲಸ ಮಾಡುವವರಿಗೆ ಅನುಕೂಲವಾಗುವಂತಹ ಹೆಲ್ಮೆಟ್, ರೋಬೋಟ್ ತಂತ್ರಜ್ಞಾನದಲ್ಲಿ ಕಾರ್ಯನಿರ್ವಹಿಸುವ ಕೈ, ಕಟ್ಟಡ ನಿರ್ಮಾಣದಲ್ಲಿ ಸಿಮೆಂಟ್, ಜಲ್ಲಿಕಲ್ಲುಗಳ ಬಳಕೆ ಕಡಿಮೆ ಮಾಡುವ ಕುರಿತಾದ ಮಾದರಿಗಳು ಗಮನ ಸೆಳೆದವು.

. ಐದು ಮಾದರಿಗಳಿಗೆ ಪ್ರಾಯೋಜಕತ್ವ

. ಕರ್ನಾಟಕ ರಾಜ್ಯ ವಿಜ್ಞಾನ ಮತ್ತು ತಂತ್ರಜ್ಞಾನ ಮಂಡಳಿಯ 41ನೇ ಸರಣಿಯಲ್ಲಿ ಪ್ರಾಯೋಜಕತ್ವ ಪಡೆದುಕೊಂಡಿರುವ ಐದು ಮಾದರಿಗಳು ಗಮನಾರ್ಹವಾಗಿವೆ. ಕಂಪ್ಯೂಟರ್ ಸೈನ್ಸ್, ಸಿವಿಲ್ ಎಂಜಿನಿಯರಿಂಗ್, ಎಲೆಕ್ಟ್ರಾನಿಕ್ಸ್ ಹಾಗೂ ಮೆಕಾನಿಕಲ್ ವಿಭಾಗಗಳ ಮಾದರಿಗಳು ಪ್ರದರ್ಶನವು ಬುಧವಾರವೂ ಮುಂದುವರಿಯಲಿವೆ.

. ** ಈಚಿನ ದಿನಗಳಲ್ಲಿ ರಸ್ತೆ ಅಪಘಾತಗಳಲ್ಲಿ ಮೃತ ಪಡುತ್ತಿರುವವರಲ್ಲಿ ಯುವಕರೇ ಅಧಿಕ. ಇದನ್ನು ಕಡಿಮೆ ಮಾಡುವ ಉದ್ದೇಶದಿಂದ ವಿದ್ಯಾರ್ಥಿಗಳು ತಂತ್ರಜ್ಞಾನ ಅಭಿವೃದ್ಧಿ ಪಡಿಸಿದ್ದಾರೆ – ಸುರೇಶ್ ಡಿ ಮಾನೆ, ಪ್ರಾಂಶುಪಾಲ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತಂತ್ರಜ್ಞಾನದ ಸದ್ಬಳಕೆಗೆ ವಿದ್ಯಾರ್ಥಿಗಳ ‘ಮಾದರಿ’

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು