ಹೊಸಪೇಟೆ: ತಗ್ಗಿದ ತುಂಗಭದ್ರೆ ಒಳಹರಿವು

ಹೊಸಪೇಟೆ (ವಿಜಯನಗರ): ಸತತ ಹೆಚ್ಚುತ್ತಲೇ ಇದ್ದ ಇಲ್ಲಿನ ತುಂಗಭದ್ರಾ ಅಣೆಕಟ್ಟೆಯ ಒಳಹರಿವು ಮಂಗಳವಾರ ತಗ್ಗಿದೆ.

ಮಂಗಳವಾರ ಜಲಾಶಯಕ್ಕೆ 36,979 ಕ್ಯುಸೆಕ್‌ ನೀರು ಹರಿದು ಬರುತ್ತಿದೆ. ಸೋಮವಾರ 46,250 ಕ್ಯುಸೆಕ್‌, ಭಾನುವಾರ 42,748 ಕ್ಯುಸೆಕ್‌ ಒಳಹರಿವು ಇತ್ತು. ಜೂ. 18ರಿಂದ ಒಳಹರಿವು ಹೆಚ್ಚಾಗುತ್ತಲೇ ಇತ್ತು. ಆದರೆ, ಮಲೆನಾಡು, ಜಲಾನಯನ ಪ್ರದೇಶದಲ್ಲಿ ಎರಡು ದಿನಗಳಿಂದ ಮಳೆ ತಗ್ಗಿರುವುದರಿಂದ ಒಳಹರಿವಿನಲ್ಲಿ ಅಲ್ಪ ಇಳಿಕೆ ಉಂಟಾಗಿದೆ. 1,633 ಅಡಿ ನೀರು ಸಂಗ್ರಹ ಸಾಮರ್ಥ್ಯದ ಜಲಾಶಯದಲ್ಲಿ ಸದ್ಯ 1,602.72 ಅಡಿ ನೀರಿನ ಸಂಗ್ರಹವಿದೆ.