ವಿಜಯಪುರ | 6ನೇ ಶ್ವಾನ ಪ್ರದರ್ಶನ: ಶ್ವಾನಗಳ ಗತ್ತು, ಗಮ್ಮತ್ತು ಪ್ರದರ್ಶನ

ವಿಜಯಪುರ ನಗರದಲ್ಲಿ ನಡೆದ ಶ್ವಾನ ಪ್ರದರ್ಶನದಲ್ಲಿ ಆಗಮಿಸಿದ್ದ ಎಲ್ಲ ಶ್ವಾನಗಳಲ್ಲಿ ಓವರ್‌ಆಲ್‌ ಚಾಂಪಿಯನ್‌ ಸ್ಥಾನಕ್ಕೆ ₹15 ಸಾವಿರ ನಗದು ಮತ್ತು ಟ್ರೋಫಿ ನಂತರ ಮೊದಲ ಬಹುಮಾನ ₹10 ಸಾವಿರ ನಗದು ಟ್ರೋಫಿ 2ನೇ ಬಹುಮಾನವಾಗಿ ₹7 ಸಾವಿರ ಮತ್ತು ಟ್ರೋಫಿ ಮೂರನೇ ಸ್ಥಾನಕ್ಕೆ ₹5 ಸಾವಿರ ನಗದು ಹಾಗೂ ಟ್ರೋಫಿ ಬಹುಮಾನಗಳನ್ನು ನೀಡಲಾಯಿತು. ಪ್ರದರ್ಶನದಲ್ಲಿ ಭಾಗವಹಿಸಿದ್ದ ಎಲ್ಲ ಶ್ವಾನಗಳಿಗೆ ಸಮಾಧಾನಕರ ಬಹುಮಾನ ಹಾಗೂ ಪ್ರಮಾಣಪತ್ರಗಳನ್ನು ನೀಡಲಾಯಿತು. ಲೋಕಾಪುರದ ವೆಂಕಪ್ಪ ನಾವಲಗಿ ಅವರ ಮುಧೋಳ ಹೌಂಡ್‌ ಓವರ್‌ಆಲ್‌ ಚಾಂಪಿಯನ್‌ ಬಹುಮಾನ ಪಡೆಯಿತು. ಪ್ರಶಾಂತ ಅವಟಿ ಅವರ ಸಿಡ್ಜು ತಳಿ ಪ್ರಥಮ ಫಿರೋಜ್‌ ಮುಲ್ಲಾ ಅವರ ಜರ್ಮನ್‌ ಶೆಫರ್ಡ್‌ ದ್ವಿತೀಯ ಅನುಪ್‌ ಅವರ ಚೌಚೌ ತಳಿ ತೃತೀಯ ಬಹುಮಾನ ಪಡೆದವು.

ಜಿಲ್ಲೆಯ ಜನರಲ್ಲಿ ತಿಳುವಳಿಕೆ ನೀಡುವುದರ ಜೊತೆಗೆ ಶ್ವಾನ ಪ್ರಿಯರಿಗೆ ಯುವಕರು ಸ್ವಯಂ ಉದ್ಯೋಗ ಮಾಡಲು ಈ ಶ್ವಾನ ಪ್ರದರ್ಶನ ಪ್ರೇರಣೆಯಾಯಿತು. ನಗರದಲ್ಲಿ ಆಯೋಜಿಸಿದ್ದ ಶ್ವಾನ ಪ್ರದರ್ಶನದಲ್ಲಿ ಭಾಗವಹಿಸಿದ್ದ ಎಲ್ಲ ಶ್ವಾನಗಳಿಗೆ ರೇಬಿಸ್‌ ವ್ಯಾಕ್ಸಿನ್‌ ಹಾಕಲಾಯಿತು. ಉಚಿತವಾಗಿ ಆಹಾರಗಳನ್ನು ನೀಡಲಾಯಿತು. ಪ್ರದರ್ಶನದಲ್ಲಿ ಭಾಗವಹಿಸಿದ್ದ ಸಾರ್ವಜನಿಕರಿಗೆ ಹುಚ್ಚುನಾಯಿಗಳಿಂದ ಹರಡುವ ರೆಬಿಸ್‌ ರೋಗದ ಕುರಿತು ಜಾಗೃತಿಯನ್ನೂ ಮೂಡಿಲಾಯಿತು ಎನ್ನುತ್ತಾರೆ ಪಶುಪಾಲನ ಮತ್ತು ಪಶು ವೈದ್ಯಕೀಯ ಇಲಾಖೆಯ ಮುಖ್ಯ ವೈದ್ಯಾಧಿಕಾರಿಗಳಾದ ಡಾ. ಬಿ.ಎಸ್ ಕನಮಡಿ.