ಅಪ್ಪಂದಿರ ದಿನ: ಕೊನೆ ಉಸಿರಿನವರೆಗೂ ಮಕ್ಕಳ ಕಾಳಜಿ ಅಪ್ಪನಿಗೆ
ಅಕ್ಷರ ಗಾತ್ರ :ಆ |ಆ |ಆ
ವಿಜಯಪುರ: ಕೋವಿಡ್‌ನಿಂದ ಉಸಿರಾಟದ ಸಮಸ್ಯೆ ಎದುರಾಗಿ ಬದುಕುಳಿಯುವ ಆಸೆ ಕಳೆದುಕೊಂಡಿದ್ದ ಅಪ್ಪ ಕೊನೆ ಗಳಿಗೆಯಲ್ಲೂ ನಮ್ಮ ಆರೋಗ್ಯದ ಬಗ್ಗೆಯೇ ವಿಚಾರಿಸುತ್ತಿದ್ದರು. ಮೇ 13 ರಂದು ಸಹಜವಾಗಿ ಮಾತನಾಡುತ್ತಲೇ ಉಸಿರು ನಿಲ್ಲಿಸಿದ್ದು, ಈಗಲೂ ಕಣ್ಣುಮುಂದೆ ಕಟ್ಟಿದಂತಿದೆ.
ಸರ್ಕಾರಿ ನೌಕರಿಯಲ್ಲಿ ಇದ್ದಾಗ ಕುಟುಂಬಕ್ಕೆ ಹೆಚ್ಚು ಸಮಯ ನೀಡಲು ಆಗುತ್ತಿರಲಿಲ್ಲ. ಆದರೆ, ನಿವೃತ್ತಿ ನಂತರ ಕುಟುಂಬಕ್ಕೆ ಅಂಟಿಕೊಂಡಿದ್ದ ಅವರಿಗೆ ಹೊರಜಗತ್ತಿನ ಪರಿವೇ ಇರಲಿಲ್ಲ. ಮನೆಗೆ ಹುಡುಕಾಡಿ ಜವಾರಿ ಕಾಳು ಕಡಿ, ಕಾಯಿಪಲ್ಲೆ, ಹಣ್ಣು ಹಂಪಲು ತರುವುದು ಅವರಿಗೆ ಇಷ್ಟವಾದ ಕೆಲಸವಾಗಿತ್ತು. ಮಕ್ಕಳ ಆರೋಗ್ಯಕ್ಕೆ ಏನು ಉತ್ತಮ ಎಂಬುದನ್ನು ಅವರೇ ನಿರ್ಧರಿಸುತ್ತಿದ್ದರು. ತಮ್ಮ ಅಲ್ಪಾದಾಯದಲ್ಲಿ ನಾಲ್ವರು ಮಕ್ಕಳಿಗೆ ಒಳ್ಳೆಯ ಶಿಕ್ಷಣ ಕೊಡಿಸಿದ್ದಾರೆ. ಈಗ ಅಪ್ಪ ದೈಹಿಕವಾಗಿ ನಮ್ಮೊಂದಿಗೆ ಇಲ್ಲ. ಆದರೆ, ನಮ್ಮ ಕೆಲಸ, ನಡೆ, ನುಡಿಯಲ್ಲಿ ಅವರು ಜೊತೆ ಇದ್ದಾರೆ.
ಅಪ್ಪನ ಆಸರೆಯಲ್ಲಿ ಸುರಕ್ಷತೆ ಯಾವಾಗಲೂ ಖಾತರಿ ಇರುತ್ತಿತ್ತು. ನನಗೆ ಎರಡು ಸಲ ರಸ್ತೆ ಅಪಘಾತವಾಗಿತ್ತು. ಆಸ್ಪತ್ರೆಯಲ್ಲಿ ಅವರು ಮಾಡಿದ ಆರೈಕೆಯಿಂದ ನಾನು ಬದುಕಿದ್ದೇನೆ. ನನಗೆ ಮರುಜನ್ಮ ನೀಡಿದ ತಂದೆಯನ್ನು ನೆನಪಿಸಿಕೊಳ್ಳದ ದಿನಗಳಿಲ್ಲ.
-ಡಾ. ಮಂಜುನಾಥ .ಬಿ. ಹಂಚಿನಾಳ, ವಿಜಯಪುರ
ನಿರೂಪಣೆ: ಬಸವರಾಜ್‌ ಸಂಪಳ್ಳಿ
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
