ಯುದ್ಧನೌಕೆ ವಸ್ತು ಸಂಗ್ರಹಾಲಯದಲ್ಲಿ ‘ಸಿಇಟಿ 53 ಎಂ’ ಮಾದರಿಯ ಎರಡು ಟಾರ್ಪಿಡೊಗಳನ್ನು (ನೌಕಾ ಸ್ಫೋಟಕ) ವೀಕ್ಷಣೆಗೆ ಇರಿಸಲಾಗಿದೆ. ಜಲಾಂತರ್ಗಾಮಿ ನೌಕೆಗಳಲ್ಲಿ ಇರಿಸುತ್ತಿದ್ದ ಸಿಡಿತಲೆ ಹೊಂದಿರುವ ಕ್ಷಿಪಣಿ ಮಾದರಿಯ ಟಾರ್ಪಿಡೊಗಳು ತಲಾ 1,500 ಕೆ.ಜಿ ತೂಕದಷ್ಟು ಸ್ಫೋಟಕ ಹೊಂದಿದ್ದವು. ಸಮುದ್ರದ ಆಳದಲ್ಲಿ ಜಲಾಂತರ್ಗಾಮಿ ನೌಕೆಗಳಿಂದ ಚಿಮ್ಮುತ್ತಿದ್ದ ಇವು ಶತ್ರುರಾಷ್ಟ್ರದ ಹಡಗು, ಜಲಾಂತರ್ಗಾಮಿ ನೌಕೆಗಳನ್ನು ಉಡಾಯಿಸುವ ಸಾಮರ್ಥ್ಯ ಹೊಂದಿತ್ತು.