ಘಟನೆಯ ವಿವಿರ: ರಾಯಚೂರು ಜಿಲ್ಲೆ ಗಬ್ಬೂರದಿಂದ ಅಜ್ಜಿ, ತಾಯಿ ಹಾಗೂ ಇಬ್ಬರು ಚಿಕ್ಕ ಮಕ್ಕಳು ಕಲಬುರಗಿ ಜಿಲ್ಲೆಯ ಚಿತ್ತಾಪುರದಲ್ಲಿ ಬೀಗರ ಮನೆಯಲ್ಲಿ ನಡೆಯುತಿದ್ದ ತೊಟ್ಟಿಲು ಕಾರ್ಯಕ್ರಮದಲ್ಲಿ ಭಾಗವಹಿಸಲು ಬಾಡಿಗೆ ಕಾರಿನಲ್ಲಿ ಹೊರಟಿದ್ದರು. ಹಾಲಗೇರಾ ಗ್ರಾಮದ ಅನತಿ ದೂರದಲ್ಲಿ ಕಾರು ಚಾಲಕ ತನ್ನ ತೊಡೆಯ ಮೇಲೆ ಮಲಗಿದ್ದ ಪುಟ್ಟ ಬಾಲಕನನ್ನು ಪಕ್ಕಕ್ಕೆ ಸರಿಸಲು ಹೋದಾಗ ಕಾರು ನಿಯಂತ್ರಣ ತಪ್ಪಿ ಸುಮಾರು 50 ಮೀಟರ್ವರೆಗೆ ರಸ್ತೆ ಬದಿಯಲ್ಲಿ ಚಲಿಸಿ ನಂತರ ಉರುಳಿ ಬಿದ್ದಿದೆ.
