ಕಕ್ಕೇರಾ: ಪಟ್ಟಣದ ಸೋಮನಾಥ ಬಾವಿ ಹತ್ತಿರದ ಜಮೀನಲ್ಲಿರುವ ವಿದ್ಯುತ್ ಪರಿವರ್ತಕ ಸಮಸ್ಯೆಯಿದ್ದು, ಮನವಿ ಮಾಡಿದರೂ ಪ್ರಯೋಜನವಾಗಿಲ್ಲ ಎಂದು ರೈತ ಮುಖಂಡರಾದ ಅಂಬರೇಶ ತೇರಿನ್, ದೇವಿಂದ್ರಪ್ಪ ದೊರೆ, ನಂದಪ್ಪ ತೇರಿನ್ ಆರೋಪಿಸಿದ್ದಾರೆ.
‘ಜೆಸ್ಕಾಂ ಅಧಿಕಾರಿಗಳನ್ನು ಖುದ್ದು ಭೇಟಿ ನೀಡಿ ವಿದ್ಯುತ್ ಪರಿವರ್ತಕ ಸಮಸ್ಯೆ ಬಗೆಹರಿಸುವಂತೆ ಜುಲೈ 26ರಂದು ದೂರು ನೀಡಿದ್ದರೂ ಪ್ರಯೋಜನವಾಗಿಲ್ಲ. ಶೀಘ್ರವೇ ವಿದ್ಯುತ್ ಪರಿವರ್ತಕ ಅಳವಡಿಸಲು ಕ್ರಮ ಕೈಗೊಳ್ಳಬೇಕು’ ಎಂದು ಅಂಬರೇಶ ತೇರಿನ್ ಮನವಿ ಮಾಡಿದ್ದಾರೆ.
