ಮತದಾನ, ದೇಶವು ತನ್ನ ಪ್ರತಿಯೊಬ್ಬ ಪ್ರಜೆಗೆ ನೀಡಿರುವ ಹಕ್ಕು. ಮತದ ಪಾವಿತ್ರ್ಯತೆ ಹಾಗೂ ಮೌಲ್ಯವನ್ನು ಉಳಿಸಿಕೊಳ್ಳಬೇಕಾದ್ದು ನಮ್ಮ ಜವಾಬ್ದಾರಿ. ಯಾವುದೇ ಆಮಿಷಕ್ಕೆ ಒಳಗಾಗಬಾರದು. ‘ಯಾರು ಕೊಡುತ್ತಾರೋ ಕೊಡಲಿ. ಅದನ್ನು ತೆಗೆದುಕೊಂಡು ನಮ್ಮಿಷ್ಟದವರಿಗೆ ಮತ ನೀಡುತ್ತೇವೆ’ ಎಂಬ ಮನೋಭಾವ ಬೆಳೆಸಿಕೊಂಡರೆ ನಮ್ಮ ಮೌಲ್ಯವನ್ನೇ ಮಾರಿಕೊಂಡಂತೆ. ಅದು ನಮ್ಮೊಳಗೆ ಅನೈತಿಕತೆಯನ್ನು ಗೊತ್ತಿಲ್ಲದೆ ಬೆಳೆಸುತ್ತದೆ. ಹೀಗಾಗಿ ಜವಾಬ್ದಾರಿಯಿಂದ ನಮ್ಮ ಹಕ್ಕನ್ನು ಚಲಾಯಿಸಬೇಕು. ಎಲ್ಲರೂ ಮತದಾನ ಮಾಡಬೇಕು. ಜವಾಬ್ದಾರಿಗಳಿಗೆ ಹೆಗಲಾದರೆ ದೇಶವು ಮುನ್ನಡೆಯುತ್ತದೆ.