ಸೌತ್ ಸಿನಿ ಸ್ಟಾರ್ ನಟಿ ಕೀರ್ತಿ ಸುರೇಶ್‌ ಜನ್ಮದಿನದ ಪ್ರಯುಕ್ತ ಪೋಸ್ಟರ್ ಬಿಡುಗಡೆ

ಬೆಂಗಳೂರು: ತೆಲುಗು ಹಾಗೂ ತಮಿಳು ಸಿನಿಮಾ ರಂಗದ ಬಹು ಬೇಡಿಕೆ ನಟಿ ಕೀರ್ತಿ ಸುರೇಶ್ ಅವರಿಗೆ ಇಂದು ಜನ್ಮದಿನದ ಸಂಭ್ರಮ. ಅವರ 29 ನೇ ವರ್ಷದ ಹುಟ್ಟುಹಬ್ಬಕ್ಕೆ ಸಿನಿರಂಗದ ಗಣ್ಯರು, ಅಭಿಮಾನಿಗಳು ಶುಭಾಶಯ ಕೋರುತ್ತಿದ್ದಾರೆ.

ಕೀರ್ತಿ ಹಾಗೂ ನಟ ಪ್ರಿನ್ಸ್ ಮಹೇಶ್ ಬಾಬು ಅಭಿನಯದ ಬಹುನಿರೀಕ್ಷಿತ ಚಿತ್ರ ‘ಸರ್ಕಾರು ವಾರಿ ಪಾಟಾ' ಸಿನಿಮಾ ಮುಂದಿನ ವರ್ಷ ತೆರೆಗೆ ಬರಲು ಸಜ್ಜಾಗಿದೆ. ಈ ಚಿತ್ರ ತಂಡ ಕೀರ್ತಿ ಅವರಿಗೆ ವಿಶೇಷ ಶುಭಾಶಯ ಕೋರಿ ಇಂದು ಪೋಸ್ಟರ್ ಬಿಡುಗಡೆ ಮಾಡಿದೆ.

Wishing the talent powerhouse and our lovely lady @KeerthyOfficial a Blasting Birthday ❤️#SarkaruVaariPaata

Super 🌟 @urstrulyMahesh @ParasuramPetla @MusicThaman @madhie1 @MythriOfficial @GMBents @14ReelsPlus @SVPTheFilm @saregamasouth#HBDKeerthySuresh pic.twitter.com/LqErkoEoix

— Mythri Movie Makers (@MythriOfficial) October 17, 2021

1992 ಅಕ್ಟೋಬರ್ 17 ರಂದು ಚೆನ್ನೈನಲ್ಲಿ ಜನಿಸಿರುವ ಕೀರ್ತಿ ಸುರೇಶ್ ತಮಿಳು ಹಿರಿಯ ನಟಿ ಮೇನಕಾ ಅವರ ಮಗಳು. ಸಿನಿಮಾ ಕುಟುಂಬದಿಂದ ಬಂದ ಕೀರ್ತಿ 2000 ರಿಂದ 2003 ರವರೆಗೆ ಬಾಲನಟಿಯಾಗಿ ಕೆಲವು ಚಿತ್ರಗಳಲ್ಲಿ ಅಭಿನಯಿಸಿ ಗಮನ ಸೆಳೆದಿದ್ದರು.

2013 ರಲ್ಲಿ ಮಲೆಯಾಳಂನ ‘ಗೀತಾಂಜಲಿ’ ಸಿನಿಮಾ ಮೂಲಕ ಚಿತ್ರರಂಗ ಪ್ರವೇಶಿಸಿದ ಅವರು, ‘ನೆನು ಶೈಲಜಾ’, ‘ರೆಮೊ’, ‘ಭೈರವ’, ‘ಸರ್ಕಾರ್’, ‘ಮಹಾನಟಿ’, ‘ಜಾತಿ ರತ್ನಾಲು’ ಸೇರಿದಂತೆ 27 ಸಿನಿಮಾಗಳಲ್ಲಿ ಅಭಿನಯಿಸಿ ಸೈ ಎನಿಸಿಕೊಂಡಿದ್ದಾರೆ.

ಮಲೆಯಾಳಂನಲ್ಲಿ ‘ಮರಕ್ಕರ್’ ಹಾಗೂ ರಜನಿಕಾಂತ್ ಜೊತೆ ‘ಅಣ್ಣಾತ್ತೆ’ ಸೇರಿದಂತೆ ಕೀರ್ತಿ ಸುರೇಶ್ ಅವರ 8 ಚಿತ್ರಗಳು ನಿರ್ಮಾಣ ಹಂತದಲ್ಲಿವೆ. ಅಣ್ಣಾತ್ತೆ ನವೆಂಬರ್ 4ಕ್ಕೆ ಬಿಡುಗಡೆಯಾಗಲಿದೆ. ಇನ್ನು ‘ಸರ್ಕಾರು ವಾರಿ ಪಾಟಾ’ ಸಿನಿಮಾವನ್ನು ಮೈತ್ರಿ ಮೂವಿ ಮೇಕರ್ಸ್ ಸಂಸ್ಥೆ ನಿರ್ಮಿಸುತ್ತಿದ್ದು, ಪರಶುರಾಮ್ ನಿರ್ದೇಶನ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಚಿರಂಜೀವಿ ಮನೆಯಲ್ಲಿ ನಿರ್ದೇಶಕ ಪ್ರಶಾಂತ್ ನೀಲ್: ಹೊರ ಬಿದ್ದ ಸುದ್ದಿ ಏನು?