ಸೋಲಿನಿಂದ ಕಂಗೆಟ್ಟಿದ್ದ ಅಲ್ಲರಿ ನರೇಶ್‌ಗೆ ನಗ್ನತೆಯ 'ನಾಂದಿ' ಕೈಹಿಡಿಯುವುದೇ?
ಹೈದರಾಬಾದ್‌:ನವರಸಗಳಲ್ಲೂ ಸೈ ಅನಿಸಿಕೊಂಡಿದ್ದ ನಟ ಅಲ್ಲರಿ ನರೇಶ್ ಹಲವು ಹಿಟ್‌ ಸಿನಿಮಾಗಳನ್ನು ಕೊಟ್ಟು ನಂತರ ಸಾಲುಸಾಲು ಸೋಲಿನಿಂದ ಕಂಗೆಟ್ಟಿದ್ದರು. ಈ ಬಾರಿ ಸೋಲಿನಿಂದ ಹೊರಬರುವ ಪ್ರಯತ್ನ ಅವರ ಹೊಸ ಸಿನಿಮಾ ‘ನಾಂದಿ’ ಪೋಸ್ಟರ್‌ನಲ್ಲಿ ಕಾಣುತ್ತಿದೆ.
ಅಲ್ಲರಿ ನರೇಶ್ ನಗ್ನವಾಗಿ ಕಾಣಿಸಿಕೊಂಡಿರುವ ಪೋಸ್ಟರ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನರೇಶ್ ಅವರನ್ನು ಬೆತ್ತಲೆಯಾಗಿಸಿ ಸರಪಳಿಯಿಂದ ಬಂಧಿಸಿ ತಲೆಕೆಳಗಾಗಿ ನೇತು ಹಾಕಿರುವ ದೃಶ್ಯಚಿತ್ರದ ಫಸ್ಟ್ ಲುಕ್‌ನಲ್ಲಿದೆ.
ಟಾಲಿವುಡ್‌ನಲ್ಲಿ ದೊಡ್ಡ ಸುದ್ದಿ ಮಾಡುತ್ತಿದ್ದು, ಈ ಪೋಸ್ಟರ್ ಸಿನಿಮಾದ ಬಗ್ಗೆ ಇದ್ದ ಕುತೂಹಲವನ್ನು ಹೆಚ್ಚಿಸಿದೆ. ಅಷ್ಟರ ಮಟ್ಟಿಗೆ ನರೇಶ್ ಮೊದಲ ಯತ್ನದಲ್ಲಿ ಜನರ ಗಮನ ಸೆಳೆಯಲು ಯಶಸ್ವಿಯಾಗಿದ್ದಾರೆ.
ಮೊದಲ ಸಿನಿಮಾ ‘ಅಲ್ಲರಿ’ ಸೂಪರ್‌ ಹಿಟ್‌ ಆದ ನಂತರ ನರೇಶ್ ಹಲವು ಯಶಸ್ವಿ ಸಿನಿಮಾಗಳನ್ನು ನೀಡಿದರು. ನಂತರ ‘ಜ್ಯೂನಿಯರ್’, ‘ನೇನು’, ‘ರೂಂಮೇಟ್ಸ್‌’, ‘ಲಡ್ಡುಬಾಬು’ ನಂತಹ ಸಾಲುಸಾಲು ಸಿನಿಮಾಗಳು ತೋಪಾದವು.
Turning it around....in #Naandhi - A New Beginning. #Naresh57 @SV2Ent @Vijaykanakamed2 @varusarath @SatishVegesna @ChotaKPrasad @brahmakadali @RajeshDanda_ @UrsVamsiShekar @abburiravi pic.twitter.com/diE9F7vjbr
— Allari Naresh (@allarinaresh) January 20, 2020
ಸತತ ಸೋಲಿನಿಂದ ಸ್ವಲ್ಪ ಸಮಯ ಸಿನಿಮಾದಿಂದ ಬ್ರೇಕ್‌ ತೆಗೆದುಕೊಂಡಿದ್ದ ನರೇಶ್, ಕಳೆದ ವರ್ಷ ಮಹೇಶ್ ಬಾಬು ಅಭಿನಯದ ‘ಮಹರ್ಷಿ’ ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದನ್ನು ಮಾಡಿದ್ದರು. ಈ ಪಾತ್ರಕ್ಕೆ ಮೆಚ್ಚುಗೆಗೂ ವ್ಯಕ್ತವಾಗಿತ್ತು. ಈ ಸಿನಿಮಾದ ಮೂಲಕ ಕಳೆದು ಹೋಗಿದ್ದ ನರೇಶ್ ಮತ್ತೆ ಟಾಲಿವುಡ್ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಈಗ ‘ನಾಂದಿ’ ಸಿನಿಮಾ ಪೋಸ್ಟರ್ ಮೂಲಕ ಮತ್ತೆ ಗಮನ ಸೆಳೆದಿದ್ದಾರೆ.
‘ನಾಂದಿ’ ನರೇಶ್ ಅವರಿಗೆ 57ನೇ ಸಿನಿಮಾ. ಈ ಸಿನಿಮಾದ ಸಹ ನಿರ್ಮಾಪಕರಾಗಿ ನರೇಶ್ ಕೆಲಸ ಮಾಡುತ್ತಿದ್ದಾರೆ. ಈ ತಿಂಗಳ ಅಂತ್ಯದಿಂದ ಸಿನಿಮಾ ಚಿತ್ರೀಕರಣ ಆರಂಭವಾಗಿದೆ. ವಿಜಯ್ ಕನಕಮೆಡ್ಲಾ ‘ನಾಂದಿ’ ಸಿನಿಮಾದ ಚಿತ್ರಕಥೆ ಮಾಡಿ ನಿರ್ದೇಶನ ಮಾಡುತ್ತಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.