<p><strong>ಹೈದರಾಬಾದ್:</strong>ನವರಸಗಳಲ್ಲೂ ಸೈ ಅನಿಸಿಕೊಂಡಿದ್ದ ನಟ ಅಲ್ಲರಿ ನರೇಶ್ ಹಲವು ಹಿಟ್ ಸಿನಿಮಾಗಳನ್ನು ಕೊಟ್ಟು ನಂತರ ಸಾಲುಸಾಲು ಸೋಲಿನಿಂದ ಕಂಗೆಟ್ಟಿದ್ದರು. ಈ ಬಾರಿ ಸೋಲಿನಿಂದ ಹೊರಬರುವ ಪ್ರಯತ್ನ ಅವರ ಹೊಸ ಸಿನಿಮಾ ‘ನಾಂದಿ’ ಪೋಸ್ಟರ್ನಲ್ಲಿ ಕಾಣುತ್ತಿದೆ.</p>.<p>ಅಲ್ಲರಿ ನರೇಶ್ ನಗ್ನವಾಗಿ ಕಾಣಿಸಿಕೊಂಡಿರುವ ಪೋಸ್ಟರ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನರೇಶ್ ಅವರನ್ನು ಬೆತ್ತಲೆಯಾಗಿಸಿ ಸರಪಳಿಯಿಂದ ಬಂಧಿಸಿ ತಲೆಕೆಳಗಾಗಿ ನೇತು ಹಾಕಿರುವ ದೃಶ್ಯಚಿತ್ರದ ಫಸ್ಟ್ ಲುಕ್ನಲ್ಲಿದೆ.</p>.<p>ಟಾಲಿವುಡ್ನಲ್ಲಿ ದೊಡ್ಡ ಸುದ್ದಿ ಮಾಡುತ್ತಿದ್ದು, ಈ ಪೋಸ್ಟರ್ ಸಿನಿಮಾದ ಬಗ್ಗೆ ಇದ್ದ ಕುತೂಹಲವನ್ನು ಹೆಚ್ಚಿಸಿದೆ. ಅಷ್ಟರ ಮಟ್ಟಿಗೆ ನರೇಶ್ ಮೊದಲ ಯತ್ನದಲ್ಲಿ ಜನರ ಗಮನ ಸೆಳೆಯಲು ಯಶಸ್ವಿಯಾಗಿದ್ದಾರೆ.</p>.<p>ಮೊದಲ ಸಿನಿಮಾ ‘ಅಲ್ಲರಿ’ ಸೂಪರ್ ಹಿಟ್ ಆದ ನಂತರ ನರೇಶ್ ಹಲವು ಯಶಸ್ವಿ ಸಿನಿಮಾಗಳನ್ನು ನೀಡಿದರು. ನಂತರ ‘ಜ್ಯೂನಿಯರ್’, ‘ನೇನು’, ‘ರೂಂಮೇಟ್ಸ್’, ‘ಲಡ್ಡುಬಾಬು’ ನಂತಹ ಸಾಲುಸಾಲು ಸಿನಿಮಾಗಳು ತೋಪಾದವು.</p>.<p>ಸತತ ಸೋಲಿನಿಂದ ಸ್ವಲ್ಪ ಸಮಯ ಸಿನಿಮಾದಿಂದ ಬ್ರೇಕ್ ತೆಗೆದುಕೊಂಡಿದ್ದ ನರೇಶ್, ಕಳೆದ ವರ್ಷ ಮಹೇಶ್ ಬಾಬು ಅಭಿನಯದ ‘ಮಹರ್ಷಿ’ ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದನ್ನು ಮಾಡಿದ್ದರು. ಈ ಪಾತ್ರಕ್ಕೆ ಮೆಚ್ಚುಗೆಗೂ ವ್ಯಕ್ತವಾಗಿತ್ತು. ಈ ಸಿನಿಮಾದ ಮೂಲಕ ಕಳೆದು ಹೋಗಿದ್ದ ನರೇಶ್ ಮತ್ತೆ ಟಾಲಿವುಡ್ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಈಗ ‘ನಾಂದಿ’ ಸಿನಿಮಾ ಪೋಸ್ಟರ್ ಮೂಲಕ ಮತ್ತೆ ಗಮನ ಸೆಳೆದಿದ್ದಾರೆ.</p>.<p>‘ನಾಂದಿ’ ನರೇಶ್ ಅವರಿಗೆ 57ನೇ ಸಿನಿಮಾ. ಈ ಸಿನಿಮಾದ ಸಹ ನಿರ್ಮಾಪಕರಾಗಿ ನರೇಶ್ ಕೆಲಸ ಮಾಡುತ್ತಿದ್ದಾರೆ. ಈ ತಿಂಗಳ ಅಂತ್ಯದಿಂದ ಸಿನಿಮಾ ಚಿತ್ರೀಕರಣ ಆರಂಭವಾಗಿದೆ. ವಿಜಯ್ ಕನಕಮೆಡ್ಲಾ ‘ನಾಂದಿ’ ಸಿನಿಮಾದ ಚಿತ್ರಕಥೆ ಮಾಡಿ ನಿರ್ದೇಶನ ಮಾಡುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೈದರಾಬಾದ್:</strong>ನವರಸಗಳಲ್ಲೂ ಸೈ ಅನಿಸಿಕೊಂಡಿದ್ದ ನಟ ಅಲ್ಲರಿ ನರೇಶ್ ಹಲವು ಹಿಟ್ ಸಿನಿಮಾಗಳನ್ನು ಕೊಟ್ಟು ನಂತರ ಸಾಲುಸಾಲು ಸೋಲಿನಿಂದ ಕಂಗೆಟ್ಟಿದ್ದರು. ಈ ಬಾರಿ ಸೋಲಿನಿಂದ ಹೊರಬರುವ ಪ್ರಯತ್ನ ಅವರ ಹೊಸ ಸಿನಿಮಾ ‘ನಾಂದಿ’ ಪೋಸ್ಟರ್ನಲ್ಲಿ ಕಾಣುತ್ತಿದೆ.</p>.<p>ಅಲ್ಲರಿ ನರೇಶ್ ನಗ್ನವಾಗಿ ಕಾಣಿಸಿಕೊಂಡಿರುವ ಪೋಸ್ಟರ್ ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ನರೇಶ್ ಅವರನ್ನು ಬೆತ್ತಲೆಯಾಗಿಸಿ ಸರಪಳಿಯಿಂದ ಬಂಧಿಸಿ ತಲೆಕೆಳಗಾಗಿ ನೇತು ಹಾಕಿರುವ ದೃಶ್ಯಚಿತ್ರದ ಫಸ್ಟ್ ಲುಕ್ನಲ್ಲಿದೆ.</p>.<p>ಟಾಲಿವುಡ್ನಲ್ಲಿ ದೊಡ್ಡ ಸುದ್ದಿ ಮಾಡುತ್ತಿದ್ದು, ಈ ಪೋಸ್ಟರ್ ಸಿನಿಮಾದ ಬಗ್ಗೆ ಇದ್ದ ಕುತೂಹಲವನ್ನು ಹೆಚ್ಚಿಸಿದೆ. ಅಷ್ಟರ ಮಟ್ಟಿಗೆ ನರೇಶ್ ಮೊದಲ ಯತ್ನದಲ್ಲಿ ಜನರ ಗಮನ ಸೆಳೆಯಲು ಯಶಸ್ವಿಯಾಗಿದ್ದಾರೆ.</p>.<p>ಮೊದಲ ಸಿನಿಮಾ ‘ಅಲ್ಲರಿ’ ಸೂಪರ್ ಹಿಟ್ ಆದ ನಂತರ ನರೇಶ್ ಹಲವು ಯಶಸ್ವಿ ಸಿನಿಮಾಗಳನ್ನು ನೀಡಿದರು. ನಂತರ ‘ಜ್ಯೂನಿಯರ್’, ‘ನೇನು’, ‘ರೂಂಮೇಟ್ಸ್’, ‘ಲಡ್ಡುಬಾಬು’ ನಂತಹ ಸಾಲುಸಾಲು ಸಿನಿಮಾಗಳು ತೋಪಾದವು.</p>.<p>ಸತತ ಸೋಲಿನಿಂದ ಸ್ವಲ್ಪ ಸಮಯ ಸಿನಿಮಾದಿಂದ ಬ್ರೇಕ್ ತೆಗೆದುಕೊಂಡಿದ್ದ ನರೇಶ್, ಕಳೆದ ವರ್ಷ ಮಹೇಶ್ ಬಾಬು ಅಭಿನಯದ ‘ಮಹರ್ಷಿ’ ಚಿತ್ರದಲ್ಲಿ ಪ್ರಮುಖ ಪಾತ್ರವೊಂದನ್ನು ಮಾಡಿದ್ದರು. ಈ ಪಾತ್ರಕ್ಕೆ ಮೆಚ್ಚುಗೆಗೂ ವ್ಯಕ್ತವಾಗಿತ್ತು. ಈ ಸಿನಿಮಾದ ಮೂಲಕ ಕಳೆದು ಹೋಗಿದ್ದ ನರೇಶ್ ಮತ್ತೆ ಟಾಲಿವುಡ್ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಈಗ ‘ನಾಂದಿ’ ಸಿನಿಮಾ ಪೋಸ್ಟರ್ ಮೂಲಕ ಮತ್ತೆ ಗಮನ ಸೆಳೆದಿದ್ದಾರೆ.</p>.<p>‘ನಾಂದಿ’ ನರೇಶ್ ಅವರಿಗೆ 57ನೇ ಸಿನಿಮಾ. ಈ ಸಿನಿಮಾದ ಸಹ ನಿರ್ಮಾಪಕರಾಗಿ ನರೇಶ್ ಕೆಲಸ ಮಾಡುತ್ತಿದ್ದಾರೆ. ಈ ತಿಂಗಳ ಅಂತ್ಯದಿಂದ ಸಿನಿಮಾ ಚಿತ್ರೀಕರಣ ಆರಂಭವಾಗಿದೆ. ವಿಜಯ್ ಕನಕಮೆಡ್ಲಾ ‘ನಾಂದಿ’ ಸಿನಿಮಾದ ಚಿತ್ರಕಥೆ ಮಾಡಿ ನಿರ್ದೇಶನ ಮಾಡುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
