ಆ್ಯಮಿಗೆ ತಾಯ್ತನದ ಕನಸು ಕಾಣುವುದೇ ಒಂದು ಸುಂದರ ಅನುಭೂತಿ. ’ನಾನು ಪ್ರವಾಸಪ್ರಿಯೆ. ನನ್ನ ವೃತ್ತಿಯಲ್ಲಿ ಅದು ಅನಿವಾರ್ಯ ಕೂಡಾ. ಹಾಗಾಗಿ ಮಗುವನ್ನೂ ನಾನು ಹೋದಲ್ಲೆಲ್ಲಾ ಕರೆದೊಯ್ಯಲು ಬಯಸುತ್ತೇನೆ. ಮಗು ಗಂಡೋ, ಹೆಣ್ಣೋ ಅನ್ನೋದು ನನಗೆ ಮುಖ್ಯವಲ್ಲ. ಮಗು ಯಾವುದಾದರೂ ಅದು ನಮ್ಮದೇ ಅನ್ನೋದು ಮುಖ್ಯ. ಹಾಗಾಗಿ ಅವನನ್ನು/ಅವಳನ್ನು ಬಿಟ್ಟು ನಾನು ಎಲ್ಲೂ ಹೋಗಲಾರೆ. ಜೊತೆಯಲ್ಲೇ ಇರಿಸಿಕೊಂಡರೆ ತಾಯ್ತನದ ಸುಖವನ್ನೂ ಅನುಭವಿಸಬಹುದು, ಮಗುವಿಗೂ ತಾಯಿಯ ಪ್ರೀತಿಯನ್ನು ಪರಿಪೂರ್ಣವಾಗಿ ನೀಡಬಹುದು‘ ಎಂದು ಆ್ಯಮಿ ಹೇಳುತ್ತಾರೆ.