ತೆರೆ ಹಂಚಿಕೊಂಡಿದ್ದ ಬೆಸ್ಟ್ ಫ್ರೆಂಡ್ಸ್

ಹೌದು, ಸುಹಾನಾ ಹಾಗೂ ತಾವು ಒಟ್ಟಿಗೇ ತೆರೆ ಹಂಚಿಕೊಂಡಿದ್ದ ಸುದ್ದಿಯನ್ನು ಸ್ವತಃ ಅನನ್ಯಾ ಬಹಿರಂಗಪಡಿಸಿದ್ದಾರೆ. ಶಾರುಖ್ ಖಾನ್ ಅವರ ‘ಮೈ ನೇಮ್ ಈಸ್ ಖಾನ್’ ಚಿತ್ರದ ಸೆಟ್‌ಗೆ ಸುಹಾನಾ ಹಾಗೂ ಅನನ್ಯಾ ಹೋಗಿದ್ದರು. ಇವರನ್ನು ಕಂಡ ನಿರ್ದೇಶಕ ಕರಣ್ ಜೋಹರ್, ‘ಜನಗಳ ಮಧ್ಯೆ ಒಂದು ಸುತ್ತು ನಡೆದುಬನ್ನಿ’ ಎಂದು ಸೂಚಿಸಿದರಂತೆ. ಇಬ್ಬರೂ ಸಿಕ್ಕಾಪಟ್ಟೆ ಖುಷಿಯಿಂದಲೇ ರಿಹರ್ಸಲ್ ಮಾಡಿದರು. ಆದರೆ ಈ ದೃಶ್ಯವನ್ನು ಚಿತ್ರದಲ್ಲಿ ತೋರಿಸಲಿಲ್ಲ ಅಷ್ಟೇ!

‘ಕರಣ್ ಜೋಹರ್ ಅವರಿಗೆಅವರಿಗೆ ಒಂದಿಷ್ಟು ಜನರ ಅಗತ್ಯವಿತ್ತು. ನಮಗೆ ಹೇಳಿದಾಗ, ತುಂಬಾ ಖುಷಿಯಾಗಿತ್ತು. ಅಂದು ನಾನು ಗುಲಾಬಿ ಬಣ್ಣದ ಜಾಕೆಟ್ ತೊಟ್ಟಿದ್ದೆ. ಬ್ಯಾಕ್‌ಗ್ರೌಂಡ್‌ನಲ್ಲಿ ಓಡಾಡುವ 8 ಶಾಟ್‌ಗಳನ್ನು ತೆಗೆದರು. ಅಂತಿಮವಾಗಿ ನಮ್ಮ ಸೀನ್ ಬರುವುದನ್ನೇ ಎದುರು ನೋಡುತ್ತಾಕಾದು ಕುಳಿತೆವು. ಆದರೆ ಅದೇ ದೃಶ್ಯಕ್ಕೆ ಕತ್ತರಿ ಹಾಕಲಾಗಿತ್ತು. ಇದರಿಂದ ಭಾರಿ ಬೇಸರವೂ ಆಗಿತ್ತು’ ಅಂತಾ ಅನನ್ಯಾ ಪಟಪಟನೇ ಮಾತು ಉದುರಿಸಿದರು.

‘ಮುಂದೊಂದು ದಿನ ನನ್ನ ಬೆಸ್ಟ್ ಫ್ರೆಂಡ್ ಜೊತೆ ನಟಿಸುತ್ತೇನೆ’ ಎಂದು ಅವರು ಭರವಸೆ ವ್ಯಕ್ತಪಡಿಸಿದರು.