ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಅನುಷ್ಕಾ ಶರ್ಮಾ ವಿರುದ್ಧ ದೂರು ದಾಖಲು

ನಿಂದನಾತ್ಮಕ ಪದ ಬಳಕೆ: ಗೂರ್ಖಾ ಸಮುದಾಯದ ಕ್ಷಮೆಯಾಚನೆಗೆ ಒತ್ತಾಯ
Last Updated 24 ಮೇ 2020, 20:30 IST
ಅಕ್ಷರ ಗಾತ್ರ

ಇಟಾನಗರ: ‘ಪಾತಾಲ್ ಲೋಕ್‌’ ವೆಬ್ ಸರಣಿಯಲ್ಲಿ ಗುರ್ಖಾ ಸಮುದಾಯದ ವಿರುದ್ಧ ನಿಂದನಾತ್ಮಕ ಪದ ಬಳಸಲಾಗಿದೆ ಎಂದು ಆರೋಪಿಸಿ, ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ವಿರುದ್ಧ ಅರುಣಾಚಲ ಪ್ರದೇಶದ ಗೂರ್ಖಾ ಸಂಘಟನೆಯು ಮಾನವ ಹಕ್ಕುಗಳರಾಷ್ಟ್ರೀಯ ಆಯೋಗಕ್ಕೆ (ಎನ್‌ಎಚ್‌ಆರ್‌ಸಿ) ದೂರು ನೀಡಿದೆ.

‘ಪಾತಾಲ್ ಲೋಕ್’ ವೆಬ್‌ ಸರಣಿಗೆ ಅನುಷ್ಕಾ ನಿರ್ಮಾಪಕಿಯಾಗಿದ್ದಾರೆ. ಅರುಣಾಚಲ ಪ್ರದೇಶ ಗೂರ್ಖಾ ಯುವ ಸಂಘಟನೆಯ (ಎಎಪಿಜಿವೈಎ) ನಮ್ಸಾಯಿ ಘಟಕದ ಅಧ್ಯಕ್ಷ ಬಿಕಾಸ್ ಭಟ್ಟಾರೈ ಈಚೆಗೆ ಆಯೋಗಕ್ಕೆ ದೂರು ನೀಡಿದ್ದಾರೆ.

ವೆಬ್‌ಸರಣಿಯ ಎರಡನೇ ಸಂಚಿಕೆಯಲ್ಲಿ ಮಹಿಳಾ ಪಾತ್ರವೊಂದಕ್ಕೆ ‘ಸೆಕ್ಸಿಯಸ್ಟ್‌ ಸ್ಲರ್‌’ ಎನ್ನುವ ಪದ ಬಳಸಲಾಗಿದ್ದು, ಇದು ನೇಪಾಳಿ ಭಾಷೆ ಮಾತನಾಡುವ ಜನರಿಗೆ ನೇರ ಅವಮಾನ ಮಾಡುತ್ತದೆ. ಈ ಪದ ಗೂರ್ಖಾ ಸಮುದಾಯದ ಜನರ ಭಾವನೆಗಳಿಗೂ ಘಾಸಿ ತರುವಂತಿದೆ ಎಂದು ಸಂಘಟನೆ ದೂರಿನಲ್ಲಿ ಆರೋಪಿಸಿದೆ.

‘ಪಾತಾಲ್ ಲೋಕ್’ ತಂಡವು ವೆಬ್ ಸರಣಿಯ ಪ್ರಸಾರ ನಿಲ್ಲಿಸಬೇಕು ಇಲ್ಲವೇ ಗೂರ್ಖಾ ಸಮುದಾಯದ ಕ್ಷಮೆ ಯಾಚಿಸಬೇಕು ಎಂದೂ ಸಂಘಟನೆ ಆಗ್ರಹಿಸಿದೆ.

‘ಅಮೆಜಾನ್’ ಈ ಸಂಭಾಷಣೆಯನ್ನು ಮ್ಯೂಟ್ ಮಾಡಬೇಕು, ಉಪ ಶೀರ್ಷಿಕೆಗಳನ್ನು ಮಸುಕುಗೊಳಿಸಬೇಕು. ಕ್ಷಮೆಯಾಚಿಸಿರುವ ಪರಿಷ್ಕೃತ ವಿಡಿಯೊವನ್ನು ಅಪ್‌ಲೋಡ್ ಮಾಡಬೇಕು’ ಎಂದು ಒತ್ತಾಯಿಸಿ ಭಾರತೀಯ ಗೂರ್ಖಾ ಯುವ ಪರಿಸಂಘ ಆನ್‌ಲೈನ್ ಆಂದೋಲನವನ್ನೂ ಆರಂಭಿಸಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT