ಭಾನುವಾರ, ಜನವರಿ 19, 2020
22 °C

ರಜನಿ ದಕ್ಷಿಣ ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆವ ನಟ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರಜನಿಕಾಂತ್‌ ಅಭಿನಯದ ‘ದರ್ಬಾರ್‌’ ಚಿತ್ರ ಭಾರಿ ಯಶಸ್ಸು ಗಳಿಸಿದೆ. ಬಿಡುಗಡೆಯಾದ ಎರಡೇ ದಿನದಲ್ಲಿ ₹75 ಕೋಟಿ ಗಳಿಸಿದ ಚಿತ್ರವಿದು. ಈಗ ಈ ಚಿತ್ರದಲ್ಲಿ ಅಭಿನಯಕ್ಕಾಗಿ ಲೈಕಾ ಪ್ರೊಡಕ್ಷನ್‌ ಭಾರಿ ಮೊತ್ತದ ಸಂಭಾವನೆಯನ್ನು ರಜನಿಕಾಂತ್‌ಗೆ ನೀಡಿದೆ ಎಂಬ ಸುದ್ದಿಗಳು ಹರಿದಾಡುತ್ತಿವೆ.

ಬಿಡುಗಡೆ ದಿನದಿಂದಲೇ ‘ದರ್ಬಾರ್‌’ ಚಿತ್ರ ಉತ್ತಮ ಆರಂಭ ಮಾಡಿದೆ. ಮುಂದಿನ ಕೆಲ ವಾರಗಳ ತನಕ ಥಿಯೇಟರ್‌ಗಳಲ್ಲಿ ರಜನಿಕಾಂತ್‌ ಹವಾ ಮುಂದುವರಿಯಲಿದೆ.

ಸಿನಿಮಾದ ಥಿಯೇಟರ್‌ ಹಕ್ಕು ₹137 ಕೋಟಿಗೆ ಮಾರಾಟವಾಗಿದೆ. ಡಿಜಿಟಲ್‌ ಹಾಗೂ ಸ್ಯಾಟಲೈಟ್‌ ಹಕ್ಕು ₹83 ಕೋಟಿಗೆ ಮಾರಾಟವಾಗಿದೆ. ಹಾಗಾಗಿ ಬಿಡುಗಡೆಗೂ ಮುನ್ನ ಈ ಚಿತ್ರದ ಒಟ್ಟು ಸಂಪಾದನೆ ₹220 ಕೋಟಿ.

ಈ ಚಿತ್ರವನ್ನು ₹200 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣ ಮಾಡಲಾಗಿದೆ. ಇದರಲ್ಲಿ ಶೇಕಡ 70ರಷ್ಟು ನಟ ಹಾಗೂ ತಂತ್ರಜ್ಞರ ಸಂಬಳಕ್ಕೆ ನೀಡಲಾಗಿದೆ. ಹಾಗೇ ನೋಡಿದರೆ ಈ ಬಜೆಟ್‌ನ ಅರ್ಧದಷ್ಟು ದುಡ್ಡನ್ನು ರಜನಿಕಾಂತ್‌ಗೆ ಸಂಭಾವನೆಯಾಗಿ ನೀಡಲಾಗಿದೆ. 

ಈ ಚಿತ್ರಕ್ಕೆ ರಜನಿಕಾಂತ್‌ ಪಡೆದ ಸಂಭಾವನೆ ಕುರಿತ ಸುದ್ದಿಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ. ಅವರು ಪಡೆದ ಒಟ್ಟು ಸಂಭಾವನೆ ₹108 ಕೋಟಿಯಂತೆ. ಸಿನಿಮಾದಲ್ಲಿ ಅವರ ಶೇರ್‌ ಅನ್ನೂ ಸೇರಿಸಿ ಈ ಹಣ ನೀಡಲಾಗಿದೆಯೇ ಎಂಬುದು ಖಾತ್ರಿಯಾಗಿಲ್ಲ. ಒಂದು ವೇಳೆ ಈ ಸುದ್ದಿ ನಿಜವಾಗಿದ್ದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ಭಾರತೀಯ ನಟ ಇವರಾಗಲಿದ್ದಾರೆ.

ಇದೇ ವೇಳೆ ಈ ಸಿನಿಮಾದಲ್ಲಿ ತನಗೆ ನೀಡಿದ ಸಂಭಾವನೆ ಬಗ್ಗೆ ನಯನತಾರಾ ಅಸಮಾಧಾನಗೊಂಡಿದ್ದಾರೆ ಎಂಬ ಗಾಳಿಸುದ್ದಿಗಳು ಕೇಳಿಬರುತ್ತಿವೆ.

ಇದನ್ನೂ ಓದಿ: ರಜನಿ 'ದರ್ಬಾರ್' ಯಶಸ್ಸಿಗಾಗಿ ಅಭಿಮಾನಿಗಳಿಂದ ನೆಲದ ಮೇಲೆ ಊಟ, ವಿಶಿಷ್ಟ ಹರಕೆ

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು