ಸೋಮವಾರ, ಫೆಬ್ರವರಿ 24, 2020
19 °C

ಡೆಮೊ ಪೀಸ್ ಆಟ ಶುಕ್ರವಾರದಿಂದ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

prajavani

ಸೋನಲ್ ಮೊಂತೇರೊ ಮತ್ತು ಭರತ್ ಬೋಪಣ್ಣ ಅವರು ಕ್ಯೂಟ್ ಜೋಡಿಯಾಗಿ ಕಾಣಿಸಿಕೊಂಡಿರುವ ಸಿನಿಮಾ ‘ಡೆಮೊ ಪೀಸ್’ ಪ್ರೇಮಿಗಳ ದಿನ (ಫೆ. 14) ತೆರೆಗೆ ಬರುತ್ತಿದೆ. ಈ ಚಿತ್ರ ನಿರ್ಮಾಣ ಮಾಡಿರುವವರು ನಟಿ ಸ್ಪರ್ಶ ರೇಖಾ.

‘ಈ ಚಿತ್ರದಲ್ಲಿ ಎಲ್ಲರೂ ಹೊಸಬರು. ಇದು ಪಕ್ಕಾ ಕಮರ್ಷಿಯಲ್ ಆಯಾಮ ಹೊಂದಿರುವ ಸಿನಿಮಾ. ಯುವಕರಿಗೆ ಭರಪೂರ ಮನರಂಜನೆ ನೀಡುವ ಚಿತ್ರ ಇದು’ ಎನ್ನುವುದು ರೇಖಾ ಅವರ ಮಾತು. ಈ ಚಿತ್ರದ ಮೂಲಕ ಅವರು ಮೊದಲ ಬಾರಿಗೆ ಸಿನಿಮಾ ನಿರ್ಮಾಣಕ್ಕೆ ಕೈಹಾಕಿದ್ದಾರೆ.

ಎ. ವಿವೇಕ್ ಅವರು ಈ ಚಿತ್ರ ನಿರ್ದೇಶಿಸಿದ್ದಾರೆ. ‘ಒಂದಿಷ್ಟು ಪ್ರಯೋಗಗಳನ್ನು ನಡೆಸಲು ನಾವು ಡೆಮೊ ಪೀಸ್‌ ಬಳಕೆ ಮಾಡುತ್ತೇವೆ. ಈ ಚಿತ್ರದ ದ್ವಿತೀಯಾರ್ಧದಲ್ಲಿ ಒಂದು ‍ಪ್ರಯೋಗ ಇದೆ. ಹಾಗಾಗಿ ಚಿತ್ರಕ್ಕೆ ಈ ಶೀರ್ಷಿಕೆ ನೀಡಲಾಗಿದೆ’ ಎಂದು ಹೇಳುತ್ತಾರೆ ವಿವೇಕ್.

ಈ ಚಿತ್ರದ ನಾಯಕ ಹಣವೇ ಸರ್ವಸ್ವ ಎನ್ನುವ ಮಾತಿನಲ್ಲಿ ನಂಬಿಕೆ ಇಟ್ಟವ. ಆತ ಹಣದ ಹಿಂದೆ ಹೋಗುತ್ತಾನೆ. ಇದು ನಾಯಕ ಕೇಂದ್ರಿತ ಸಿನಿಮಾ ಎಂದು ಚಿತ್ರದ ಕಥೆಯ ಒಂದು ಎಳೆಯನ್ನು ವಿವೇಕ್‌ ತಿಳಿಸಿದರು.

‘ನಾಯಕನ ಹೆಸರು ಹರ್ಷ. ಆತ ಕಾಲೇಜು ಹುಡುಗ. ಶೋಕಿ ಮತ್ತು ಮೋಜು ಮಾಡುವುದು ಅವನಿಗೆ ಇಷ್ಟ. ತನಗೆ ಸಾಕಷ್ಟು ಪಾಕೆಟ್ ಮನಿ ಸಿಗುತ್ತಿಲ್ಲ ಎಂದು ಬೇಸರಗೊಂಡಿರುತ್ತಾನೆ’ ಎಂದು ತಮ್ಮ ಪಾತ್ರದ ಬಗ್ಗೆ ಭರತ್ ವಿವರಣೆ ನೀಡಿದರು. ರೇಖಾ ಅವರು ಇದರಲ್ಲಿ ನಾಯಕನ ತಾಯಿಯ ಪಾತ್ರವನ್ನು ಕೂಡ ನಿಭಾಯಿಸಿದ್ದಾರೆ.

ಸೋನಲ್ ಅವರು ಚಿತ್ರದ ಕಥೆಯನ್ನೂ ಕೇಳದೆ, ಇದರಲ್ಲಿ ನಟಿಸಲು ಒಪ್ಪಿಕೊಂಡರಂತೆ. ‘ಇದಕ್ಕೆ ಕಾರಣ ರೇಖಾ ಮೇಡಂ’ ಎನ್ನುತ್ತಾರೆ ಸೋನಲ್. ಸೋನಲ್ ಅವರು ಇದರಲ್ಲಿ ಸಣ್ಣ ಪಾತ್ರವೊಂದನ್ನು ನಿಭಾಯಿಸಿದ್ದಾರೆ. ‘ಪಾತ್ರ ಸಣ್ಣದಾದರೂ ವೀಕ್ಷಕರ ಮನಸ್ಸಿನಲ್ಲಿ ಉಳಿದುಕೊಳ್ಳುತ್ತದೆ’ ಎಂದು ಸೋನಲ್ ಹೇಳುತ್ತಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು