ಪಡ್ಡೆ ಹುಡುಗರ ಅಚ್ಚುಮೆಚ್ಚಿನ ‘ಎಫ್ ಟಿ.ವಿ’ಯ ಭಾರತದ ಹಕ್ಕುಗಳನ್ನು ಪಡೆದಿರುವ ಕಮಾರ್ ಫಿಲಂ ಫ್ಯಾಕ್ಟರಿ ಸಂಸ್ಥೆ, ಬೆಂಗಳೂರಿನಲ್ಲಿ ಫ್ಯಾಷನ್ ಕ್ಯಾಲೆಂಡರ್ ಬಿಡುಗಡೆ ಕಾರ್ಯಕ್ರಮ ಆಯೋಜಿಸಿತ್ತು.
ಕ್ಯಾಲೆಂಡರ್ ಬಿಡುಗಡೆ ಕೆಲವು ದಿನಗಳ ಹಿಂದೆ ಹೈದರಾಬಾದ್ನಲ್ಲಿ ಕೂಡ ನಡೆದಿತ್ತು. ಇದರಲ್ಲಿ ಫ್ಯಾಷನ್ ಲೋಕದ ಹಾಗೂ ಸಿನಿಮಾ ಲೋಕದ ಒಂದಿಷ್ಟು ಖ್ಯಾತನಾಮರು ಪಾಲ್ಗೊಂಡಿದ್ದರು. ಅಲ್ಲದೆ, ಕ್ಯಾಲೆಂಡರ್ ಬಿಡುಗಡೆಗೂ ಮುನ್ನ ಬೆಡಗಿಯರು ರ್ಯಾಂಪ್ ಮೇಲೆ ಕ್ಯಾಟ್ ವಾಕ್ ಪ್ರದರ್ಶಿಸಿದರು!
‘ಅಂತರರಾಷ್ಟ್ರೀಯ ಮಟ್ಟದ ಫ್ಯಾಷನ್ ಅನ್ನು ಭಾರತೀಯರಿಗೆ ತೋರಿಸುವ ಕೆಲಸಕ್ಕೆ ಮುಂದಾಗಿದ್ದೇವೆ. ಇದು ಭಾರತದ ಎಲ್ಲ ಪ್ರಮುಖ ನಗರಗಳಲ್ಲೂ ನಡೆಯಲಿದೆ’ ಎಂದರು ಸಂಸ್ಥೆಯ ಮುಖ್ಯಸ್ಥ ಕಮಾರ್.