ಇದಕ್ಕೆ ಸಾಕ್ಷಿ ಎಂಬಂತೆ ಈಚೆಗೆ ಗೌರಿ ಖಾನ್ ತಮ್ಮ ಇನ್ಸ್ಟಾಗ್ರಾಂ ಮತ್ತು ಟ್ವಿಟರ್ ಖಾತೆಗಳಲ್ಲಿ ಮಾಧುರಿ ಜತೆಗಿರುವ ಬಗೆ ಬಗೆಯ ಚಿತ್ರಗಳನ್ನು ಅಪ್ಲೋಡ್ ಮಾಡಿದ್ದಾರೆ. ಅಷ್ಟೇ ಅಲ್ಲ ತಾವು ಮಾಧುರಿಯ ದೊಡ್ಡ ಫ್ಯಾನ್ ಎಂದೂ ಬರೆದುಕೊಂಡಿದ್ದಾರೆ. ಮಾಧುರಿ, ಶಾರುಕ್ ಜೊತೆಗೆ ಕೊಯ್ಲಾ, ದಿಲ್ ತೋ ಪಾಗಲ್ ಹೈ, ಹಮ್ ದಿಲ್ ದೇ ಚುಕೆ ಸನಂ, ದೇವದಾಸ್ ಜೊತೆಗೆ ಜೋಡಿಯಾಗಿ ಅಭಿನಯಿಸಿದ್ದರು. ಗೌರಿಯ ಪ್ರೀತಿ ಮತ್ತು ಸ್ನೇಹಕ್ಕೆ ಮನಸೋತಿರುವ ಮಾಧುರಿ, ‘ಗೌರಿ ಜತೆಗಿನ ಭೇಟಿ ಮರೆಯಲಾಗದ್ದು. ಥ್ಯಾಂಕ್ಯೂ ಗೌರಿ’ ಎಂದು ಪ್ರತಿಕ್ರಿಯಿಸಿದ್ದಾರೆ.