ಹೈದರಾಬಾದ್‌: ಅರ್ಜುನ್‌ ರೆಡ್ಡಿ ಖ್ಯಾತಿಯ ವಿಜಯ್ ದೇವರಕೊಂಡ ಅಭಿನಯದ ’ಗೀತ ಗೋವಿಂದಂ’ ಸಿನಿಮಾದ ಟೀಸರ್ ಬಿಡುಗಡೆಯಾಗಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ.
ಜುಲೈ 22ರಂದು ಬಿಡುಗಡೆಯಾದ ಈ ಚಿತ್ರದ ಟೀಸರ್ ಅನ್ನು 46 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.ವಿಜಯ್ ದೇವರಕೊಂಡ ಜೊತೆಗೆ ಕನ್ನಡದ ಹುಡುಗಿರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. ಪರುಶುರಾಮ್ ನಿರ್ದೇಶಿಸಿರುವ ಈ ಚಿತ್ರಕ್ಕೆ ಗೋಪಿ ಸುಂದರ್ ಸಂಗೀತ ನೀಡಿದ್ದಾರೆ.
ಟೀಸರ್‌ನಲ್ಲಿ ಹಳ್ಳಿಯ ಚಿತ್ರಣವಿರುವ ಕಪ್ಪು ಬಿಳುಪಿನ ದೃಶ್ಯ ಅನಾವರಣಗೊಂಡಿದೆ. ಡಾ. ರಾಜ್‌ ಕುಮಾರ್ ಅಭಿನಯದ ’ಎರಡು ಕನಸು’ ಸಿನಿಮಾದ ತೆಲುಗು ಅವತರಿಣಿಕೆಯ ’ಎಂದೆಂದೂ ನಿನ್ನನು ಮರೆತು ’ ಸೂಪರ್ ಹಿಟ್‌ ಹಾಡಿನ ಟ್ಯೂನ್ ಸಿನಿ ಪ್ರಿಯರ ಮೆಚ್ಚುಗೆಗೆ ಪಾತ್ರವಾಗಿದೆ.
ಲವ್‌ ಮತ್ತು ಕಾಮಿಡಿಯ ಕಥಾ ಹಂದರ ಇರುವ ಈ ಸಿನಿಮಾ ಆಗಸ್ಟ್‌ ತಿಂಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.
