ಬಾಲಿವುಡ್ನ ಜನಪ್ರಿಯ ಹೇರಾ ಫೇರಿ ಸಿನಿಮಾದ ಮೂರನೇ ಭಾಗ ಶೀಘ್ರದಲ್ಲೇ ಸೆಟ್ಟೇರಲಿದೆ ಎಂದು ನಟ ಸುನಿಲ್ ಶೆಟ್ಟಿ ಖಚಿತಪಡಿಸಿದ್ದಾರೆ.
ನಟ ಅಕ್ಷಯ್ ಕುಮಾರ್ ಹಾಗೂ ಪರೇಶ್ ರಾವಲ್ ಜೊತೆ ಅಭಿನಯಿಸಲು ಎದುರು ನೋಡುತ್ತಿರುವುದಾಗಿ ಸುನಿಲ್ ಶೆಟ್ಟಿ ತಿಳಿಸಿದ್ದಾರೆ.
'ಕೊನೆಗೂ ಹೇರಾ ಫೇರಿ 3 ನನಸಾಗುತ್ತಿದೆ. ಪರೇಶ್ ಹಾಗೂ ಅಕ್ಕಿ (ಅಕ್ಷಯ್) ಜೊತೆ ಕೆಲಸ ಮಾಡುವುದನ್ನು ಎದುರು ನೋಡುತ್ತಿದ್ದೇನೆ. ಎಲ್ಲ ಒಳ್ಳೆಯ ಕೆಲಸಗಳಂತೆ ಇದು ಕೂಡ ಆರಂಭವಾಗಲು ಸ್ವಲ್ಪ ಸಮಯ ತಗುಲಿತು. ಕೊನೆಗೂ ಈ ಪ್ರಶ್ನೆಗೆ ಉತ್ತರ ಸಿಗುವುದರೊಂದಿಗೆ ನಿರಾಳತೆ ಮೂಡಿದೆ' ಎಂದು ಹೇಳಿದ್ದಾರೆ.