ಪರಸ್ಪರ ಭಿನ್ನಾಭಿಪ್ರಾಯ ಬಂದು ವಿಚ್ಛೇದನ ಪಡೆದುಕೊಳ್ಳುವ ಹಂತದಲ್ಲಿದ್ದ ದಂಪತಿ ಲಾಕ್ಡೌನ್ ಕಾರಣದಿಂದಾಗಿ ಅನಿವಾರ್ಯವಾಗಿ ಜತೆಗಿರಬೇಕಾಗುತ್ತದೆ. ಈ ಸನ್ನಿವೇಶಗಳು ಹೇಗಿರುತ್ತವೆ ಎಂದು ಹೇಳಲು ಹೊರಟಿದೆ ‘ಇಕ್ಕಟ್‌’ ಚಿತ್ರ. ನಾಗಭೂಷಣ ಮತ್ತು ಭೂಮಿಶೆಟ್ಟಿ ಪ್ರಧಾನ ಪಾತ್ರದಲ್ಲಿದ್ದಾರೆ. ಲಾಕ್ಡೌನ್ ಅವಧಿಯ ಹಿನ್ನೆಲೆಯನ್ನು ಈ ಕಥೆ ಒಳಗೊಂಡಿದೆ. ಲಾಕ್ಡೌನ್ ಅವಧಿಯಲ್ಲೇ ಚಿತ್ರೀಕರಣ ನಡೆದಿದೆ. ಸಮಾರು 15 ಪಾತ್ರಗಳನ್ನು ಒಳಗೊಂಡಿದೆ. ಒಂದೇ ಮನೆಯೊಳಗೆ ನಡೆಯುವ ಕಥೆ ಇದು. ಲಾಕ್‌ಡೌನ್‌ನ ಅನುಭವಗಳು ಮತ್ತು ಹಾಸ್ಯಸನ್ನಿವೇಶಗಳನ್ನೂ ಒಳಗೊಂಡಿದೆ ಎಂದಿದೆ ಚಿತ್ರತಂಡ. ಚಿತ್ರದ ಟ್ರೇಲರ್‌ ಕೂಡಾ ಗಮನ ಸೆಳೆದಿದೆ.
