ಭಾರತದಲ್ಲೇ ಆರು ಸಾವಿರಕ್ಕೂ ಅಧಿಕ ಪರದೆಗಳಲ್ಲಿ ಈ ಸಿನಿಮಾ ಬಿಡುಗಡೆಯಾಗಿದೆ. ವಿಶೇಷವೆಂದರೆ ಈ ಪೈಕಿ ದಕ್ಷಿಣ ಭಾರತಕ್ಕಿಂತ ಹಿಂದಿ ಭಾಷಿಕರು ಹೆಚ್ಚಿರುವ ಉತ್ತರ ಭಾರತದಲ್ಲೇ ಅತ್ಯಧಿಕ ಪರದೆಗಳಿವೆ. ಈ ಅಂತರ ಸುಮಾರು ಎರಡು ಸಾವಿರದಷ್ಟಿತ್ತು. ಇದರ ಜೊತೆಗೆ ಅಮೆರಿಕ, ರಷ್ಯಾ, ಫ್ರಾನ್ಸ್‌, ನ್ಯೂಜಿಲೆಂಡ್‌ ಸೇರಿ ವಿಶ್ವದೆಲ್ಲೆಡೆ ಪರದೆಗಳ ಸಂಖ್ಯೆ 10 ಸಾವಿರ ದಾಟಿದೆ. ಸ್ಯಾಂಡಲ್‌ವುಡ್‌ ಇರಲಿ ವಿಶ್ವದ ಯಾವುದೇ ಚಿತ್ರರಂಗದ ಸಿನಿಮಾವೊಂದು ಹಿಂದೆಂದೂ ಇಷ್ಟೊಂದು ಪರದೆಗಳಲ್ಲಿ ತೆರೆಕಂಡಿಲ್ಲ. ಆಶ್ಚರ್ಯವೆಂದರೆ ಕೆ.ಜಿ.ಎಫ್‌ ಸೈನೈಡ್‌ ಗುಡ್ಡದಲ್ಲೇ ಚಿತ್ರೀಕರಣಗೊಂಡ ಈ ಸಿನಿಮಾವೂ ಕೆಜಿಎಫ್‌ನಲ್ಲೇ ತೆರೆಕಂಡಿಲ್ಲ.
