ಬೆಂಗಳೂರು: ಇತ್ತೀಚೆಗಷ್ಟೇ ಬಿಡುಗಡೆಯಾಗಿರುವ ರಾಜಮೌಳಿ ನಿರ್ದೇಶನದ ಆರ್ಆರ್ಆರ್ ಸಿನಿಮಾ ಭರ್ಜರಿ ಯಶಸ್ಸಿನತ್ತ ಮುನ್ನುಗ್ಗುತ್ತಿದೆ. ದೇಶ ವಿದೇಶದಲ್ಲೂ ಈ ಸಿನಿಮಾ ಸದ್ದು ಮಾಡುತ್ತಿದೆ.
ಅದರೆ,ಆರ್ಆರ್ಆರ್ ಇಷ್ಟು ಅಬ್ಬರಿಸಿದರೂ ಕನ್ನಡದ ಕೆಜಿಎಫ್ ಚಾಪ್ಟರ್ 2 ಮುಂದೆ ಒಂದು ವಿಷಯದಲ್ಲಿ ತುಂಬಾ ಹಿಂದೆ ಬಿದ್ದಿದೆ. ಕನ್ನಡದ ಚಿತ್ರವೊಂದು ₹500 ಕೋಟಿ ಬಜೆಟ್‌ನಿಂದ ನಿರ್ಮಾಣವಾಗಿರುವ ಹಾಗೂ ಖ್ಯಾತ ನಿರ್ದೇಶಕ ರಾಜಮೌಳಿ ಚಿತ್ರಕ್ಕೆ ಬಹು ದೊಡ್ಡ ಟಕ್ಕರ್ ಕೊಟ್ಟಿದೆ.
ಹೌದು, ಆರ್ಆರ್ಆರ್ ಸಿನಿಮಾದ ಟ್ರೈಲರ್ ಹಾಗೂಕೆಜಿಎಫ್‌ ಚಾಪ್ಟರ್ 2 ಸಿನಿಮಾದ ಟ್ರೈಲರ್ ಯುಟ್ಯೂಬ್ ವೀಕ್ಷಣೆ ಪ್ರಮಾಣ ಗಮನಿಸಿದರೆಕೆಜಿಎಫ್‌ ಮುಂದೆಆರ್‌ಆರ್‌ಆರ್‌ ಸಪ್ಪೆ ಎನಿಸಿದೆ. ಟ್ರೈಲರ್ ಬಿಡುಗಡೆಯಾಗಿ ಒಂದು ತಿಂಗಳಾದರೂಆರ್‌ಆರ್‌ಆರ್‌ ಐದೂ ಭಾಷೆಯ ಟ್ರೈಲರ್ ಯುಟ್ಯೂಬ್ ವೀಕ್ಷಣೆ 109 (10.9 ಕೋಟಿ) ಮಿಲಿಯನ್ ವೀಕ್ಷಣೆ ಕಂಡಿದೆ.
ಆದರೆ, ಕೆಜಿಎಫ್ ಚಾಪ್ಟರ್ 2 ಐದೂ ಭಾಷೆಯ ಟ್ರೈಲರ್ ಬಿಡುಗಡೆಯಾಗಿ ಕೇವಲ ಮೂರೇ ದಿನದಲ್ಲಿ 135 ಮಿಲಿಯನ್ (13.5 ಕೋಟಿ) ಯುಟ್ಯೂಬ್ ವೀಕ್ಷಣೆ ಕಂಡಿದೆ. ಈ ಚಿತ್ರದ ಟ್ರೈಲರ್ ಕಳೆದ ಮಾರ್ಚ್ 27 ರಂದು ಐದು ಭಾಷೆಗಳಲ್ಲಿ ಬಿಡುಗಡೆಯಾಗಿತ್ತು.
ಕನ್ನಡದ ಚಿತ್ರವೊಂದರ ಟ್ರೈಲರ್ ಈ ಪ್ರಮಾಣದಲ್ಲಿ ಯುಟ್ಯೂಬ್ ವೀಕ್ಷಣೆ ಕಂಡಿರುವುದು ತೆಲುಗು, ತಮಿಳು, ಹಾಗೂ ಹಿಂದಿ ಚಿತ್ರರಂಗವನ್ನು ಬೆಚ್ಚಿ ಬೀಳಿಸಿದೆ.
ರಾಜಮೌಳಿ ನಿರ್ದೇಶನದಆರ್‌ಆರ್‌ಆರ್‌ ಸಿನಿಮಾದಲ್ಲಿ ಜೂನಿಯರ್ ಎನ್‌ಟಿಆರ್, ರಾಮ್‌ಚರಣ್, ಅಜಯ್ ದೇವಗನ್, ಆಲಿಯಾ ಭಟ್ ಸೇರಿದಂತೆ ಹಲವರು ಅಭಿನಯಿಸಿದ್ದಾರೆ.
ಪ್ರಶಾಂತ್ ನೀಲ್ ನಿರ್ದೇಶನದಕೆಜಿಎಫ್‌ ಚಾಪ್ಟರ್ 2 ಏಪ್ರಿಲ್ 14 ರಂದು ತೆರೆಗೆ ಬರಲು ಸಜ್ಜಾಗಿದ್ದು, ಚಿತ್ರದಲ್ಲಿ ರಾಕಿಂಗ್ ಸ್ಟಾರ್ ಯಶ್ ಪ್ರಮುಖ ತಾರಾಗಣದಲ್ಲಿದ್ದಾರೆ. ಸಂಜಯ್ ದತ್, ರವಿನಾ ಟಂಡನ್ ಇನ್ನೂ ಅನೇಕರ ಪಾತ್ರಗಳು ಗಮನ ಸೆಳೆದಿವೆ.
