ಲಾಕ್ಡೌನ್ ಸಂದರ್ಭದಲ್ಲಿ ವಿದೇಶದಲ್ಲಿ ಪತಿ(ಅಭಿರಾಮ್ ಶಾಸ್ತ್ರಿ) ಸಿಲುಕಿಕೊಳ್ಳುತ್ತಾನೆ. ಇತ್ತ, ತುಂಬು ಗರ್ಭಿಣಿಯಾಗಿರುವ ಆತನ ಪತ್ನಿ(ಮೈಥಿಲಿ) ಭಾರತದಲ್ಲಿರುತ್ತಾಳೆ. ಈ ಗಂಡ ಹೆಂಡತಿ, ಅಳಿಯ–ಮಾವ, ಗೆಳೆಯರ ಜೊತೆ ಆನ್ಲೈನ್ ವಿಡಿಯೊ ಕರೆಯಲ್ಲೇ ನಡೆಯುವ ಮಾತುಕತೆ, ಪ್ರೀತಿ ಮತ್ತು ಒಂದಿಷ್ಟು ಜಗಳ ಹೀಗೆ ಕಂಪ್ಯೂಟರ್, ಮೊಬೈಲ್ ಸ್ಕ್ರೀನ್ನಲ್ಲೇ ಇಡೀ ಸಿನಿಮಾ ಸೆರೆಯಾಗಿದೆ. ಇದೊಂದು ಫ್ಯಾಮಿಲಿ ಡ್ರಾಮಾ. ನಾಗಭೂಷಣ್ ಟೀಸರ್ನಲ್ಲೇ ನಗುವಿನ ಕಚಗುಳಿ ಇಟ್ಟಿದ್ದಾರೆ. ಪ್ರಿಯಾಂಕಾ ತಿಮ್ಮೇಶ್ ನಟನೆ ಪ್ರೇಕ್ಷಕರನ್ನು ಸೆಳೆದಿದೆ.