ಈ ಸಂದರ್ಭದಲ್ಲಿ, ಚಿತ್ರದಲ್ಲಿ ವಿಜಯ್ ತಾಯಿಯ ಪಾತ್ರದಲ್ಲಿ ನಟಿಸಿದ, ‘ಸಂಚಾರಿ’ ತಂಡದ ಮುಖ್ಯಸ್ಥೆ ಮಂಗಳಾ ಅವರು ವಿಜಯ್ ನೆನೆದು ಭಾವುಕರಾದರು. ‘ಈ ಸಿನಿಮಾ ಆಕಸ್ಮಿಕವಾಗಿ ದೊರಕಿತು. ‘ಕೇತಮ್ಮ’ನಾಗಿ ಸಂಚಾರಿ ವಿಜಯ್ ಅಮ್ಮನ ಪಾತ್ರದಲ್ಲಿ ಈ ಸಿನಿಮಾದಲ್ಲಿ ನಾನು ನಟಿಸಿದ್ದೇನೆ. ನನಗೂ ವಿಜಯ್ಗೂ 13 ವರ್ಷದ ಪರಿಚಯ. ನನ್ನ ತಂಡಕ್ಕೆ ಬಂದ ವಿಜಯ್ನನ್ನು ನಾನು ಶಿಷ್ಯ ಎನ್ನುವುದಿಲ್ಲ. ಸ್ನೇಹಿತರಾಗಿ ನಾವು ಜೊತೆಗಿದ್ದೆವು. ಪ್ರತಿ ಸಿನಿಮಾದ ಅನುಭವವನ್ನೂ ನನ್ನ ಜೊತೆ ಆತ ಹಂಚಿಕೊಳ್ಳುತ್ತಿದ್ದ. ಈ ಸಿನಿಮಾದ ಕಥೆ ಕೇಳುವಾಗಲೂ ಸಂಚಾರಿ ವಿಜಯ್ ಈ ಸಿನಿಮಾದಲ್ಲಿ ಇದ್ದಾನೆ ಎನ್ನುವುದು ನನಗೆ ತಿಳಿದಿರಲಿಲ್ಲ. ಚಿತ್ರೀಕರಣದ ವೇಳೆ 35 ದಿನ ನಾನೂ ವಿಜಯ್ ಅಮ್ಮ ಮಗನ ಆಟ ಆಡಿದೆವು’ ಎಂದು ನೆನಪಿಸಿಕೊಂಡರು.