ಮೋಹನ್‌ ಲಾಲ್ ಹೊಸ ಲುಕ್‌

ಈ ಟೀಸರ್‌ನಲ್ಲಿ ಮೋಹನ್‌ಲಾಲ್‌ ನಟನೆಯ ಒಂದೆರಡು ಸೆಕೆಂಡಿನ ದೃಶ್ಯವಿದೆ. ಕೋಪಿಷ್ಟ ಮೋಹನ್‌ ಕಂಬಳಿ ಹೊದ್ದುಕೊಂಡು ಮುನ್ನಡೆಯುತ್ತಾರೆ. ಹಿಂಬಾಗದಲ್ಲಿ ದೊಡ್ಡ ಮನೆಯನ್ನು ಧಿಕ್ಕರಿಸಿ ಹೋಗುವಂತೆ ಕಾಣುತ್ತದೆ. ಈ ಟೀಸರ್‌ನಲ್ಲೇ ಚಿತ್ರದ ಬಿಡುಗಡೆ ದಿನಾಂಕವನ್ನೂ ಘೋಷಿಸಿದ್ದು, ಚಿತ್ರ ಅಕ್ಟೋಬರ್‌ 11ರಂದು ತೆರೆಕಾಣಲಿದೆ.

‘ಒಡಿಯನ್‌’ ಸಿನಿಮಾ ಸೆಟ್ಟೇರಿದ ದಿನದಿಂದಲೂ ಸುದ್ದಿ ಮಾಡಿತ್ತು. ಈ ಸಿನಿಮಾದಲ್ಲಿ ಮೋಹನ್‌ಲಾಲ್‌ ಅವರು ಯುವಕ, ಮದ್ಯವಯಸ್ಕ ಹಾಗೂ ಮುದುಕ ಹೀಗೆ ಮೂರು ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದಕ್ಕಾಗಿ ಆಂಗಿಕ ಕಸರತ್ತು ಮೂಲಕ 18 ಕೆ.ಜಿ ತೂಕ ಕಳೆದುಕೊಂಡು ನಟ ಸುದ್ದಿ ಮಾಡಿದ್ದರು.

ಈಗ ಹೊಸ ಟೀಸರ್‌ನಲ್ಲಿ ಮೋಹನ್‌ಲಾಲ್‌ ಹೊಸ ಲುಕ್‌ ಹಾಗೂ ಚಿತ್ರದ ಬಿಡುಗಡೆ ದಿನಾಂಕ ಘೋಷಣೆಯಾಗಿರುವುದರಿಂದ ಅವರ ಅಭಿಮಾನಿಗಳಲ್ಲಿ ಚಿತ್ರ ಕುತೂಹಲ ಕೆರಳಿಸಿದೆ.