ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೆಂಗಳೂರಿಗೆ ಆರ್‌ಆರ್‌ಆರ್‌ ನಟರ ದಂಡು, ರಾಜ್ಯದಲ್ಲೂ ಪ್ರಿರಿಲೀಸ್‌ ಕಾರ್ಯಕ್ರಮ

Last Updated 26 ನವೆಂಬರ್ 2021, 13:24 IST
ಅಕ್ಷರ ಗಾತ್ರ

ಬೆಂಗಳೂರು: ಖ್ಯಾತ ನಿರ್ದೇಶಕ ಎಸ್‌.ಎಸ್‌. ರಾಜಮೌಳಿ ಅವರ ಪ್ಯಾನ್‌ ಇಂಡಿಯಾ ಸಿನಿಮಾ ಆರ್‌ಆರ್‌ಆರ್‌(ರೌದ್ರ–ರಣ–ರುಧಿರ) 2022ರ ಜನವರಿ 7ರಂದು ಬಿಡುಗಡೆಯಾಗುತ್ತಿದೆ. ಸ್ಟಾರ್‌ ನಟರೇ ತುಂಬಿರುವ ಈ ಚಿತ್ರದ ಪ್ರಿರಿಲೀಸ್‌ ಕಾರ್ಯಕ್ರಮ ಕರ್ನಾಟಕದಲ್ಲೂ ನಡೆಯಲಿದೆ ಎಂದು ರಾಜಮೌಳಿ ಶುಕ್ರವಾರ ತಿಳಿಸಿದ್ದಾರೆ.

ಬೆಂಗಳೂರಿನಲ್ಲಿ ನಡೆದ ಆರ್‌ಆರ್‌ಆರ್‌ ಚಿತ್ರದ ಜನನಿ ಹಾಡು ಬಿಡುಗಡೆ ಕಾರ್ಯಕ್ರಮದಲ್ಲಿ ಕನ್ನಡದಲ್ಲೇ ಮಾತು ಆರಂಭಿಸಿದ ರಾಜಮೌಳಿ, ‘ಎಲ್ಲರಿಗೂ ನಮಸ್ಕಾರ..ಎಲ್ಲರೂ ಚೆನ್ನಾಗಿದ್ದೀರಾ? ಕ್ಷಮೆ ಇರಲಿ. ನನ್ನ ಕನ್ನಡದ ಬಗ್ಗೆ..ತುಂಬಾ ಪ್ರಯತ್ನ ಮಾಡುತ್ತಿದ್ದೇನೆ. ನೀವೇ ಅಡ್ಜೆಸ್ಟ್‌ ಮಾಡಿಕೊಳ್ಳಬೇಕು’ ಎಂದರು.

ಆರ್‌ಆರ್‌ಆರ್‌ ಸಿನಿಮಾ ಕುರಿತು ಮಾತನಾಡಿದ ಅವರು, ‘ಮುಂದಿನ ತಿಂಗಳು ಇಡೀ ಆರ್‌ಆರ್‌ಆರ್‌ ತಂಡ ನಿಮ್ಮ ಮುಂದೆ ಇರಲಿದೆ. ಡಿಸೆಂಬರ್‌ ಮೊದಲ ವಾರದಲ್ಲಿ ಟ್ರೈಲರ್‌ ರಿಲೀಸ್‌ ಆಗಲಿದೆ. ಕರ್ನಾಟಕದಲ್ಲಿ ಅದ್ಧೂರಿಯಾಗಿ ಪ್ರಿರಿಲೀಸ್‌ ಕಾರ್ಯಕ್ರಮ ಮಾಡಲು ನಾವು ನಿರ್ಧರಿಸಿದ್ದು, ಜ್ಯೂನಿಯರ್‌ ಎನ್‌ಟಿಆರ್‌, ರಾಮ್‌ಚರಣ್‌ ತೇಜ, ಅಜಯ್‌ ದೇವ್‌ಗನ್‌, ಆಲಿಯಾ ಭಟ್‌ ಸೇರಿದಂತೆ ಇಡೀ ಚಿತ್ರತಂಡವೇ ಕರ್ನಾಟಕಕ್ಕೆ ಬರಲಿದೆ’ ಎಂದರು.

‘ಜನನಿ ಎನ್ನುವುದು ಕೇವಲ ಹಾಡಲ್ಲ. ಅದು ಆರ್‌ಆರ್‌ಆರ್‌ ಚಿತ್ರದ ಸೋಲ್‌ ಆ್ಯಂಥಮ್‌. ಆರ್‌ಆರ್‌ಆರ್‌ನಲ್ಲಿರುವ ಅತ್ಯಾಕರ್ಷಕವಾದ ದೃಶ್ಯ, ಫೈಟ್ಸ್‌, ಡ್ಯಾನ್ಸ್‌ಗಳನ್ನು ನೀವು ನೋಡಿದ್ದೀರಿ. ಇವೆಲ್ಲದರ ಹಿಂದೆ ಒಂದು ಭಾವನೆಯಿದೆ. ಈ ಭಾವನೆ ಇಲ್ಲದೆ ಯಾವುದೇ ಸಿನಿಮಾ ಅಥವಾ ದೃಶ್ಯ ಚಿತ್ರೀಕರಿಸಲು ಸಾಧ್ಯವಿಲ್ಲ. ಈ ಹಾಡನ್ನು ಕೇವಲ ನೋಡಬಾರದು, ಜನರು ಅನುಭವಿಸಬೇಕು’ ಎಂದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT